výhody registrácie

Žalmy

Biblia - Sväté písmo

(HEM - Hebrejský - Moderný)

Ž 57, 1-11

1 למנצח אל תשחת לדוד מכתם בברחו מפני שאול במערה חנני אלהים חנני כי בך חסיה נפשי ובצל כנפיך אחסה עד יעבר הוות׃ 2 אקרא לאלהים עליון לאל גמר עלי׃ 3 ישלח משמים ויושיעני חרף שאפי סלה ישלח אלהים חסדו ואמתו׃ 4 נפשי בתוך לבאם אשכבה להטים בני אדם שניהם חנית וחצים ולשונם חרב חדה׃ 5 רומה על השמים אלהים על כל הארץ כבודך׃ 6 רשת הכינו לפעמי כפף נפשי כרו לפני שיחה נפלו בתוכה סלה׃ 7 נכון לבי אלהים נכון לבי אשירה ואזמרה׃ 8 עורה כבודי עורה הנבל וכנור אעירה שחר׃ 9 אודך בעמים אדני אזמרך בל אמים׃ 10 כי גדל עד שמים חסדך ועד שחקים אמתך׃ 11 רומה על שמים אלהים על כל הארץ כבודך׃

Ž 57, 1-11





Verš 1
למנצח אל תשחת לדוד מכתם בברחו מפני שאול במערה חנני אלהים חנני כי בך חסיה נפשי ובצל כנפיך אחסה עד יעבר הוות׃
1Sam 22:1 - וילך דוד משם וימלט אל מערת עדלם וישמעו אחיו וכל בית אביו וירדו אליו שמה׃
1Sam 24:3 - ויבא אל גדרות הצאן על הדרך ושם מערה ויבא שאול להסך את רגליו ודוד ואנשיו בירכתי המערה ישבים׃

Verš 5
רומה על השמים אלהים על כל הארץ כבודך׃
Ž 108:5 - רומה על שמים אלהים ועל כל הארץ כבודך׃

Verš 6
רשת הכינו לפעמי כפף נפשי כרו לפני שיחה נפלו בתוכה סלה׃
Ž 7:15 - בור כרה ויחפרהו ויפל בשחת יפעל׃
Ž 9:15 - טבעו גוים בשחת עשו ברשת זו טמנו נלכדה רגלם׃

Verš 7
נכון לבי אלהים נכון לבי אשירה ואזמרה׃
Ž 108:1 - שיר מזמור לדוד נכון לבי אלהים אשירה ואזמרה אף כבודי׃

Verš 9
אודך בעמים אדני אזמרך בל אמים׃
Ž 108:3 - אודך בעמים יהוה ואזמרך בל אמים׃

Verš 10
כי גדל עד שמים חסדך ועד שחקים אמתך׃
Ž 36:5 - יהוה בהשמים חסדך אמונתך עד שחקים׃
Ž 108:4 - כי גדול מעל שמים חסדך ועד שחקים אמתך׃

Z 57,1 - Porov. 1 Sam 22,1-5; 24.