  | ŽalmyBiblia - Sväté písmo(HEM - Hebrejský - Moderný) | Ž 105, 1-45 |
1 Ž 105, 1 הודו ליהוה קראו בשמו הודיעו בעמים עלילותיו׃ 2 Ž 105, 2 שירו לו זמרו לו שיחו בכל נפלאותיו׃ 3 Ž 105, 3 התהללו בשם קדשו ישמח לב מבקשי יהוה׃ 4 Ž 105, 4 דרשו יהוה ועזו בקשו פניו תמיד׃ 5 Ž 105, 5 זכרו נפלאותיו אשר עשה מפתיו ומשפטי פיו׃ 6 Ž 105, 6 זרע אברהם עבדו בני יעקב בחיריו׃ 7 Ž 105, 7 הוא יהוה אלהינו בכל הארץ משפטיו׃ 8 Ž 105, 8 זכר לעולם בריתו דבר צוה לאלף דור׃ 9 Ž 105, 9 אשר כרת את אברהם ושבועתו לישחק׃ 10 Ž 105, 10 ויעמידה ליעקב לחק לישראל ברית עולם׃ 11 Ž 105, 11 לאמר לך אתן את ארץ כנען חבל נחלתכם׃ 12 Ž 105, 12 בהיותם מתי מספר כמעט וגרים בה׃ 13 Ž 105, 13 ויתהלכו מגוי אל גוי מממלכה אל עם אחר׃ 14 Ž 105, 14 לא הניח אדם לעשקם ויוכח עליהם מלכים׃ 15 Ž 105, 15 אל תגעו במשיחי ולנביאי אל תרעו׃ 16 Ž 105, 16 ויקרא רעב על הארץ כל מטה לחם שבר׃ 17 Ž 105, 17 שלח לפניהם איש לעבד נמכר יוסף׃ 18 Ž 105, 18 ענו בכבל רגליו ברזל באה נפשו׃ 19 Ž 105, 19 עד עת בא דברו אמרת יהוה צרפתהו׃ 20 Ž 105, 20 שלח מלך ויתירהו משל עמים ויפתחהו׃ 21 Ž 105, 21 שמו אדון לביתו ומשל בכל קנינו׃ 22 Ž 105, 22 לאסר שריו בנפשו וזקניו יחכם׃ 23 Ž 105, 23 ויבא ישראל מצרים ויעקב גר בארץ חם׃ 24 Ž 105, 24 ויפר את עמו מאד ויעצמהו מצריו׃ 25 Ž 105, 25 הפך לבם לשנא עמו להתנכל בעבדיו׃ 26 Ž 105, 26 שלח משה עבדו אהרן אשר בחר בו׃ 27 Ž 105, 27 שמו בם דברי אתותיו ומפתים בארץ חם׃ 28 Ž 105, 28 שלח חשך ויחשך ולא מרו את דבריו׃ 29 Ž 105, 29 הפך את מימיהם לדם וימת את דגתם׃ 30 Ž 105, 30 שרץ ארצם צפרדעים בחדרי מלכיהם׃ 31 Ž 105, 31 אמר ויבא ערב כנים בכל גבולם׃ 32 Ž 105, 32 נתן גשמיהם ברד אש להבות בארצם׃ 33 Ž 105, 33 ויך גפנם ותאנתם וישבר עץ גבולם׃ 34 Ž 105, 34 אמר ויבא ארבה וילק ואין מספר׃ 35 Ž 105, 35 ויאכל כל עשב בארצם ויאכל פרי אדמתם׃ 36 Ž 105, 36 ויך כל בכור בארצם ראשית לכל אונם׃ 37 Ž 105, 37 ויוציאם בכסף וזהב ואין בשבטיו כושל׃ 38 Ž 105, 38 שמח מצרים בצאתם כי נפל פחדם עליהם׃ 39 Ž 105, 39 פרש ענן למסך ואש להאיר לילה׃ 40 Ž 105, 40 שאל ויבא שלו ולחם שמים ישביעם׃ 41 Ž 105, 41 פתח צור ויזובו מים הלכו בציות נהר׃ 42 Ž 105, 42 כי זכר את דבר קדשו את אברהם עבדו׃ 43 Ž 105, 43 ויוצא עמו בששון ברנה את בחיריו׃ 44 Ž 105, 44 ויתן להם ארצות גוים ועמל לאמים יירשו׃ 45 Ž 105, 45 בעבור ישמרו חקיו ותורתיו ינצרו הללו יה׃
| | | Ž 105, 1-45 |
Verš 3
התהללו בשם קדשו ישמח לב מבקשי יהוה׃
Ž 34:2 - ביהוה תתהלל נפשי ישמעו ענוים וישמחו׃
Verš 38
שמח מצרים בצאתם כי נפל פחדם עליהם׃
Ex 12:33 - ותחזק מצרים על העם למהר לשלחם מן הארץ כי אמרו כלנו מתים׃
Verš 10
ויעמידה ליעקב לחק לישראל ברית עולם׃
1Krn 16:17 - ויעמידה ליעקב לחק לישראל ברית עולם׃
Gn 28:13 - והנה יהוה נצב עליו ויאמר אני יהוה אלהי אברהם אביך ואלהי יצחק הארץ אשר אתה שכב עליה לך אתננה ולזרעך׃
Gn 35:11 - ויאמר לו אלהים אני אל שדי פרה ורבה גוי וקהל גוים יהיה ממך ומלכים מחלציך יצאו׃
Verš 11
לאמר לך אתן את ארץ כנען חבל נחלתכם׃
Gn 13:15 - כי את כל הארץ אשר אתה ראה לך אתננה ולזרעך עד עולם׃
Gn 15:18 - ביום ההוא כרת יהוה את אברם ברית לאמר לזרעך נתתי את הארץ הזאת מנהר מצרים עד הנהר הגדל נהר פרת׃
Verš 12
בהיותם מתי מספר כמעט וגרים בה׃
1Krn 16:19 - בהיותכם מתי מספר כמעט וגרים בה׃
Verš 45
בעבור ישמרו חקיו ותורתיו ינצרו הללו יה׃
Ex 19:4 - אתם ראיתם אשר עשיתי למצרים ואשא אתכם על כנפי נשרים ואבא אתכם אלי׃
Dt 4:1 - ועתה ישראל שמע אל החקים ואל המשפטים אשר אנכי מלמד אתכם לעשות למען תחיו ובאתם וירשתם את הארץ אשר יהוה אלהי אבתיכם נתן לכם׃
Dt 4:40 - ושמרת את חקיו ואת מצותיו אשר אנכי מצוך היום אשר ייטב לך ולבניך אחריך ולמען תאריך ימים על האדמה אשר יהוה אלהיך נתן לך כל הימים׃
Dt 6:21 - ואמרת לבנך עבדים היינו לפרעה במצרים ויוציאנו יהוה ממצרים ביד חזקה׃
Verš 14
לא הניח אדם לעשקם ויוכח עליהם מלכים׃
Gn 35:5 - ויסעו ויהי חתת אלהים על הערים אשר סביבתיהם ולא רדפו אחרי בני יעקב׃
Verš 17
שלח לפניהם איש לעבד נמכר יוסף׃
Gn 37:28 - ויעברו אנשים מדינים סחרים וימשכו ויעלו את יוסף מן הבור וימכרו את יוסף לישמעאלים בעשרים כסף ויביאו את יוסף מצרימה׃
Gn 37:36 - והמדנים מכרו אתו אל מצרים לפוטיפר סריס פרעה שר הטבחים׃
Gn 45:5 - ועתה אל תעצבו ואל יחר בעיניכם כי מכרתם אתי הנה כי למחיה שלחני אלהים לפניכם׃
Verš 21
שמו אדון לביתו ומשל בכל קנינו׃
Gn 41:40 - אתה תהיה על ביתי ועל פיך ישק כל עמי רק הכסא אגדל ממך׃
Verš 43
ויוצא עמו בששון ברנה את בחיריו׃
Ex 14:8 - ויחזק יהוה את לב פרעה מלך מצרים וירדף אחרי בני ישראל ובני ישראל יצאים ביד רמה׃
Nm 33:3 - ויסעו מרעמסס בחדש הראשון בחמשה עשר יום לחדש הראשון ממחרת הפסח יצאו בני ישראל ביד רמה לעיני כל מצרים׃
Verš 24
ויפר את עמו מאד ויעצמהו מצריו׃
Ex 1:7 - ובני ישראל פרו וישרצו וירבו ויעצמו במאד מאד ותמלא הארץ אתם׃
Ex 1:9 - ויאמר אל עמו הנה עם בני ישראל רב ועצום ממנו׃
Verš 25
הפך לבם לשנא עמו להתנכל בעבדיו׃
Ex 1:9 - ויאמר אל עמו הנה עם בני ישראל רב ועצום ממנו׃
Ex 1:12 - וכאשר יענו אתו כן ירבה וכן יפרץ ויקצו מפני בני ישראל׃
Verš 26
שלח משה עבדו אהרן אשר בחר בו׃
Ex 3:10 - ועתה לכה ואשלחך אל פרעה והוצא את עמי בני ישראל ממצרים׃
Ex 4:12 - ועתה לך ואנכי אהיה עם פיך והוריתיך אשר תדבר׃
Verš 27
שמו בם דברי אתותיו ומפתים בארץ חם׃
Ex 7:9 - כי ידבר אלכם פרעה לאמר תנו לכם מופת ואמרת אל אהרן קח את מטך והשלך לפני פרעה יהי לתנין׃
Verš 42
כי זכר את דבר קדשו את אברהם עבדו׃
Gn 15:14 - וגם את הגוי אשר יעבדו דן אנכי ואחרי כן יצאו ברכש גדול׃
Z 105 - Témou žalmu sú slová 11. verša: "Tebe dám kanaánsku krajinu ako váš podiel dedičný." Žalmista ďakuje za vernosť a splnenie tohto prísľubu ako aj za mnohé iné dobrodenia, ktoré Boh preukázal svojmu ľudu pred zaujatím tejto krajiny.
Z 105,6 - Izraeliti sa volajú: "potomci Abraháma - synovia Jakuba".
Z 105,15 - "Mojich pomazaných… mojim prorokom" - myslí tu patriarchov, ktorí boli zvláštnym spôsobom zasvätení Bohu a dostali od neho zjavenie (porov. Gn 12,11-20; 20,1-18; 26,7-11).
Z 105,19 - "No potom došlo na jeho slová" (Gn 41,12-14).
Z 105,23 - "Jakub sa stal hosťom v Chámovej krajine", totižto v Egypte (Gn 10,6). Jakubovi potomci nikdy nesplynuli s Egypťanmi.
Z 105,28-38 - Egyptský kráľ sa dlho spriečal vôli Jahveho, nechcel prepustiť Izraelitov zo svojej krajiny. Boh potom zosiela desať rán. Žalmista z nich uvádza niekoľko.
Z 105,39 - Viedol ich viditeľným stĺpom ohňa za noci a oblačným stĺpom cez deň. Na púšti rozostrel "oblak, aby ich tak chránil" pred úpalom slnka (Ex 13,21; 14,19; 40,36 atď.). Reptajúcich netresce, kŕmi ich prepelicami (Ex 16,13; Nm 11,31 n.), dáva im "mannu", chlieb z neba (Ex 16,4; vysvetlenie pozri pri žalme 78,25).
Z 105,44 - Palestínu v tie časy obývali mnohé národy. Izraeliti sa zmocnili kanaánskych miest a dedín, polí a záhrad, viníc a olivových hájov, dobytka a všetkého majetku.
