výhody registrácie

Žalmy

Biblia - Sväté písmo

(HEM - Hebrejský - Moderný)

Ž 44, 1-26

1 למנצח לבני קרח משכיל אלהים באזנינו שמענו אבותינו ספרו לנו פעל פעלת בימיהם בימי קדם׃ 2 אתה ידך גוים הורשת ותטעם תרע לאמים ותשלחם׃ 3 כי לא בחרבם ירשו ארץ וזרועם לא הושיעה למו כי ימינך וזרועך ואור פניך כי רציתם׃ 4 אתה הוא מלכי אלהים צוה ישועות יעקב׃ 5 בך צרינו ננגח בשמך נבוס קמינו׃ 6 כי לא בקשתי אבטח וחרבי לא תושיעני׃ 7 כי הושעתנו מצרינו ומשנאינו הבישות׃ 8 באלהים הללנו כל היום ושמך לעולם נודה סלה׃ 9 אף זנחת ותכלימנו ולא תצא בצבאותינו׃ 10 תשיבנו אחור מני צר ומשנאינו שסו למו׃ 11 תתננו כצאן מאכל ובגוים זריתנו׃ 12 תמכר עמך בלא הון ולא רבית במחיריהם׃ 13 תשימנו חרפה לשכנינו לעג וקלס לסביבותינו׃ 14 תשימנו משל בגוים מנוד ראש בל אמים׃ 15 כל היום כלמתי נגדי ובשת פני כסתני׃ 16 מקול מחרף ומגדף מפני אויב ומתנקם׃ 17 כל זאת באתנו ולא שכחנוך ולא שקרנו בבריתך׃ 18 לא נסוג אחור לבנו ותט אשרינו מני ארחך׃ 19 כי דכיתנו במקום תנים ותכס עלינו בצלמות׃ 20 אם שכחנו שם אלהינו ונפרש כפינו לאל זר׃ 21 הלא אלהים יחקר זאת כי הוא ידע תעלמות לב׃ 22 כי עליך הרגנו כל היום נחשבנו כצאן טבחה׃ 23 עורה למה תישן אדני הקיצה אל תזנח לנצח׃ 24 למה פניך תסתיר תשכח ענינו ולחצנו׃ 25 כי שחה לעפר נפשנו דבקה לארץ בטננו׃ 26 קומה עזרתה לנו ופדנו למען חסדך׃

Ž 44, 1-26





Verš 9
אף זנחת ותכלימנו ולא תצא בצבאותינו׃
Ž 60:1 - למנצח על שושן עדות מכתם לדוד ללמד בהצותו את ארם נהרים ואת ארם צובה וישב יואב ויך את אדום בגיא מלח שנים עשר אלף אלהים זנחתנו פרצתנו אנפת תשובב לנו׃
Ž 74:1 - משכיל לאסף למה אלהים זנחת לנצח יעשן אפך בצאן מרעיתך׃
Ž 89:38 - ואתה זנחת ותמאס התעברת עם משיחך׃
Ž 108:11 - הלא אלהים זנחתנו ולא תצא אלהים בצבאתינו׃

Verš 2
אתה ידך גוים הורשת ותטעם תרע לאמים ותשלחם׃
Ex 15:17 - תבאמו ותטעמו בהר נחלתך מכון לשבתך פעלת יהוה מקדש אדני כוננו ידיך׃
Ž 80:8 - גפן ממצרים תסיע תגרש גוים ותטעה׃

Verš 13
תשימנו חרפה לשכנינו לעג וקלס לסביבותינו׃
Ž 79:4 - היינו חרפה לשכנינו לעג וקלס לסביבותינו׃
Ž 80:6 - תשימנו מדון לשכנינו ואיבינו ילעגו למו׃
Jer 24:9 - ונתתים לזועה לרעה לכל ממלכות הארץ לחרפה ולמשל לשנינה ולקללה בכל המקמות אשר אדיחם שם׃

Verš 22
כי עליך הרגנו כל היום נחשבנו כצאן טבחה׃
Rim 8:36 - ככתוב כי עליך הרגנו כל היום נחשבנו כצאן טבחה׃

Z 44 - Najpravdepodobnejšie bude (ako hovorí Zorell, 73, a Herkenne, 166), že žalm opisuje národnú pohromu, ktorú pripravil za časov zbožného júdskeho kráľa Ezechiáša (r. 701 pred Kr.) júdskemu kráľovstvu asýrsky panovník Sennacherib (2 Krn 32,1). Potupu, o ktorej hovorí (verš 14), pripravili júdskemu kráľovstvu Filištínci, ktorým dobyté územie pridelil Sennacherib.

Z 44,5 - "Jakub" je tu miesto Izraela a označuje celý vyvolený národ.