výhody registrácie

Žalmy

Biblia - Sväté písmo

(HEM - Hebrejský - Moderný)

Ž 38, 1-22

1 מזמור לדוד להזכיר יהוה אל בקצפך תוכיחני ובחמתך תיסרני׃ 2 כי חציך נחתו בי ותנחת עלי ידך׃ 3 אין מתם בבשרי מפני זעמך אין שלום בעצמי מפני חטאתי׃ 4 כי עונתי עברו ראשי כמשא כבד יכבדו ממני׃ 5 הבאישו נמקו חבורתי מפני אולתי׃ 6 נעויתי שחתי עד מאד כל היום קדר הלכתי׃ 7 כי כסלי מלאו נקלה ואין מתם בבשרי׃ 8 נפוגותי ונדכיתי עד מאד שאגתי מנהמת לבי׃ 9 אדני נגדך כל תאותי ואנחתי ממך לא נסתרה׃ 10 לבי סחרחר עזבני כחי ואור עיני גם הם אין אתי׃ 11 אהבי ורעי מנגד נגעי יעמדו וקרובי מרחק עמדו׃ 12 וינקשו מבקשי נפשי ודרשי רעתי דברו הוות ומרמות כל היום יהגו׃ 13 ואני כחרש לא אשמע וכאלם לא יפתח פיו׃ 14 ואהי כאיש אשר לא שמע ואין בפיו תוכחות׃ 15 כי לך יהוה הוחלתי אתה תענה אדני אלהי׃ 16 כי אמרתי פן ישמחו לי במוט רגלי עלי הגדילו׃ 17 כי אני לצלע נכון ומכאובי נגדי תמיד׃ 18 כי עוני אגיד אדאג מחטאתי׃ 19 ואיבי חיים עצמו ורבו שנאי שקר׃ 20 ומשלמי רעה תחת טובה ישטנוני תחת רדופי טוב׃ 21 אל תעזבני יהוה אלהי אל תרחק ממני׃ 22 חושה לעזרתי אדני תשועתי׃

Ž 38, 1-22





Verš 1
מזמור לדוד להזכיר יהוה אל בקצפך תוכיחני ובחמתך תיסרני׃
Ž 6:1 - למנצח בנגינות על השמינית מזמור לדוד יהוה אל באפך תוכיחני ואל בחמתך תיסרני׃

Verš 18
כי עוני אגיד אדאג מחטאתי׃
Ž 32:5 - חטאתי אודיעך ועוני לא כסיתי אמרתי אודה עלי פשעי ליהוה ואתה נשאת עון חטאתי סלה׃

Verš 6
נעויתי שחתי עד מאד כל היום קדר הלכתי׃
Ž 42:9 - אומרה לאל סלעי למה שכחתני למה קדר אלך בלחץ אויב׃
Ž 43:2 - כי אתה אלהי מעוזי למה זנחתני למה קדר אתהלך בלחץ אויב׃

Z 38 - Tento žalm je tretí kajúci žalm. Pripomína pieseň trpiaceho Pánovho služobníka (Iz 53).

Z 38,6 - Nerozumnosť je v SZ to isté ako hriech. Opis choroby a opustenosti (6-13) pripomína opis Jóbových bolestí.