výhody registrácie

1. kniha kroník

Biblia - Sväté písmo

(HEM - Hebrejský - Moderný)

1Krn 3, 1-24

1 ואלה היו בני דויד אשר נולד לו בחברון הבכור אמנן לאחינעם היזרעאלית שני דניאל לאביגיל הכרמלית׃ 2 השלשי לאבשלום בן מעכה בת תלמי מלך גשור הרביעי אדניה בן חגית׃ 3 החמישי שפטיה לאביטל הששי יתרעם לעגלה אשתו׃ 4 ששה נולד לו בחברון וימלך שם שבע שנים וששה חדשים ושלשים ושלוש שנה מלך בירושלם׃ 5 ואלה נולדו לו בירושלים שמעא ושובב ונתן ושלמה ארבעה לבת שוע בת עמיאל׃ 6 ויבחר ואלישמע ואליפלט׃ 7 ונגה ונפג ויפיע׃ 8 ואלישמע ואלידע ואליפלט תשעה׃ 9 כל בני דויד מלבד בני פילגשים ותמר אחותם׃ 10 ובן שלמה רחבעם אביה בנו אסא בנו יהושפט בנו׃ 11 יורם בנו אחזיהו בנו יואש בנו׃ 12 אמציהו בנו עזריה בנו יותם בנו׃ 13 אחז בנו חזקיהו בנו מנשה בנו׃ 14 אמון בנו יאשיהו בנו׃ 15 ובני יאשיהו הבכור יוחנן השני יהויקים השלשי צדקיהו הרביעי שלום׃ 16 ובני יהויקים יכניה בנו צדקיה בנו׃ 17 ובני יכניה אסר שאלתיאל בנו׃ 18 ומלכירם ופדיה ושנאצר יקמיה הושמע ונדביה׃ 19 ובני פדיה זרבבל ושמעי ובן זרבבל משלם וחנניה ושלמית אחותם׃ 20 וחשבה ואהל וברכיה וחסדיה יושב חסד חמש׃ 21 ובן חנניה פלטיה וישעיה בני רפיה בני ארנן בני עבדיה בני שכניה׃ 22 ובני שכניה שמעיה ובני שמעיה חטוש ויגאל ובריח ונעריה ושפט ששה׃ 23 ובן נעריה אליועיני וחזקיה ועזריקם שלשה׃ 24 ובני אליועיני הודיוהו ואלישיב ופליה ועקוב ויוחנן ודליה וענני שבעה׃

1Krn 3, 1-24





Verš 1
ואלה היו בני דויד אשר נולד לו בחברון הבכור אמנן לאחינעם היזרעאלית שני דניאל לאביגיל הכרמלית׃
2Sam 3:2 - וילדו לדוד בנים בחברון ויהי בכורו אמנון לאחינעם היזרעאלת׃

Verš 5
ואלה נולדו לו בירושלים שמעא ושובב ונתן ושלמה ארבעה לבת שוע בת עמיאל׃
2Sam 5:14 - ואלה שמות הילדים לו בירושלם שמוע ושובב ונתן ושלמה׃

Verš 10
ובן שלמה רחבעם אביה בנו אסא בנו יהושפט בנו׃
1Kr 11:43 - וישכב שלמה עם אבתיו ויקבר בעיר דוד אביו וימלך רחבעם בנו תחתיו׃
1Kr 14:31 - וישכב רחבעם עם אבתיו ויקבר עם אבתיו בעיר דוד ושם אמו נעמה העמנית וימלך אבים בנו תחתיו׃
1Kr 15:8 - וישכב אבים עם אבתיו ויקברו אתו בעיר דוד וימלך אסא בנו תחתיו׃
1Kr 15:24 - וישכב אסא עם אבתיו ויקבר עם אבתיו בעיר דוד אביו וימלך יהושפט בנו תחתיו׃

Verš 11
יורם בנו אחזיהו בנו יואש בנו׃
2Kr 8:16 - ובשנת חמש ליורם בן אחאב מלך ישראל ויהושפט מלך יהודה מלך יהורם בן יהושפט מלך יהודה׃
2Kr 8:25 - בשנת שתים עשרה שנה ליורם בן אחאב מלך ישראל מלך אחזיהו בן יהורם מלך יהודה׃
2Kr 11:2 - ותקח יהושבע בת המלך יורם אחות אחזיהו את יואש בן אחזיה ותגנב אתו מתוך בני המלך הממותתים אתו ואת מינקתו בחדר המטות ויסתרו אתו מפני עתליהו ולא הומת׃

Verš 12
אמציהו בנו עזריה בנו יותם בנו׃
2Kr 12:21 - ויוזבד בן שמעת ויהוזבד בן שמר עבדיו הכהו וימת ויקברו אתו עם אבתיו בעיר דוד וימלך אמציה בנו תחתיו׃
2Kr 14:21 - ויקחו כל עם יהודה את עזריה והוא בן שש עשרה שנה וימלכו אתו תחת אביו אמציהו׃
2Kr 15:7 - וישכב עזריה עם אבתיו ויקברו אתו עם אבתיו בעיר דוד וימלך יותם בנו תחתיו׃

Verš 13
אחז בנו חזקיהו בנו מנשה בנו׃
2Kr 15:38 - וישכב יותם עם אבתיו ויקבר עם אבתיו בעיר דוד אביו וימלך אחז בנו תחתיו׃
2Kr 16:20 - וישכב אחז עם אבתיו ויקבר עם אבתיו בעיר דוד וימלך חזקיהו בנו תחתיו׃
2Kr 20:21 - וישכב חזקיהו עם אבתיו וימלך מנשה בנו תחתיו׃

Verš 14
אמון בנו יאשיהו בנו׃
2Kr 21:18 - וישכב מנשה עם אבתיו ויקבר בגן ביתו בגן עזא וימלך אמון בנו תחתיו׃
2Kr 21:26 - ויקבר אתו בקברתו בגן עזא וימלך יאשיהו בנו תחתיו׃

Verš 15
ובני יאשיהו הבכור יוחנן השני יהויקים השלשי צדקיהו הרביעי שלום׃
2Kr 23:30 - וירכבהו עבדיו מת ממגדו ויבאהו ירושלם ויקברהו בקברתו ויקח עם הארץ את יהואחז בן יאשיהו וימשחו אתו וימליכו אתו תחת אביו׃
2Kr 23:34 - וימלך פרעה נכה את אליקים בן יאשיהו תחת יאשיהו אביו ויסב את שמו יהויקים ואת יהואחז לקח ויבא מצרים וימת שם׃

Verš 16
ובני יהויקים יכניה בנו צדקיה בנו׃
2Kr 24:6 - וישכב יהויקים עם אבתיו וימלך יהויכין בנו תחתיו׃
2Kr 24:17 - וימלך מלך בבל את מתניה דדו תחתיו ויסב את שמו צדקיהו׃

Verš 17
ובני יכניה אסר שאלתיאל בנו׃
Mt 1:11 - ויאשיהו הוליד את יכניהו ואת אחיו לעת גלות בבל׃

1Krn 3,1-4 - Porov. 2 Sam 3,2–5.

1Krn 3,9 - Porov. 2 Sam 13,1 nn.

1Krn 3,15 - Selum panoval pod menom Joachaz, pozri 2 Kr 23,30.

1Krn 3,15-16 - Buď je reč o dvoch rozličných Sedekiášoch, alebo sa toto meno dostalo do 16. verša omylom.

1Krn 3,22 - Číslici "šesť" treba rozumieť tak, že potomkov Secheniášových bolo šesť: jeden syn a piati vnukovia.