Kniha Jób

Biblia - Sväté písmo

(HEM - Hebrejský - Moderný)

Jób 39, 1-30

1 הידעת עת לדת יעלי סלע חלל אילות תשמר׃ 2 תספר ירחים תמלאנה וידעת עת לדתנה׃ 3 תכרענה ילדיהן תפלחנה חבליהם תשלחנה׃ 4 יחלמו בניהם ירבו בבר יצאו ולא שבו למו׃ 5 מי שלח פרא חפשי ומסרות ערוד מי פתח׃ 6 אשר שמתי ערבה ביתו ומשכנותיו מלחה׃ 7 ישחק להמון קריה תשאות נוגש לא ישמע׃ 8 יתור הרים מרעהו ואחר כל ירוק ידרוש׃ 9 היאבה רים עבדך אם ילין על אבוסך׃ 10 התקשר רים בתלם עבתו אם ישדד עמקים אחריך׃ 11 התבטח בו כי רב כחו ותעזב אליו יגיעך׃ 12 התאמין בו כי ישוב זרעך וגרנך יאסף׃ 13 כנף רננים נעלסה אם אברה חסידה ונצה׃ 14 כי תעזב לארץ בציה ועל עפר תחמם׃ 15 ותשכח כי רגל תזורה וחית השדה תדושה׃ 16 הקשיח בניה ללא לה לריק יגיעה בלי פחד׃ 17 כי השה אלוה חכמה ולא חלק לה בבינה׃ 18 כעת במרום תמריא תשחק לסוס ולרכבו׃ 19 התתן לסוס גבורה התלביש צוארו רעמה׃ 20 התרעישנו כארבה הוד נחרו אימה׃ 21 יחפרו בעמק וישיש בכח יצא לקראת נשק׃ 22 ישחק לפחד ולא יחת ולא ישוב מפני חרב׃ 23 עליו תרנה אשפה להב חנית וכידון׃ 24 ברעש ורגז יגמא ארץ ולא יאמין כי קול שופר׃ 25 בדי שפר יאמר האח ומרחוק יריח מלחמה רעם שרים ותרועה׃ 26 המבינתך יאבר נץ יפרש כנפו לתימן׃ 27 אם על פיך יגביה נשר וכי ירים קנו׃ 28 סלע ישכן ויתלנן על שן סלע ומצודה׃ 29 משם חפר אכל למרחוק עיניו יביטו׃ 30 ואפרחו יעלעו דם ובאשר חללים שם הוא׃

Verš 1

הידעת עת לדת יעלי סלע חלל אילות תשמר׃

Ž 29:9 - קול יהוה יחולל אילות ויחשף יערות ובהיכלו כלו אמר כבוד׃

Verš 27

אם על פיך יגביה נשר וכי ירים קנו׃

Jer 49:16 - תפלצתך השיא אתך זדון לבך שכני בחגוי הסלע תפשי מרום גבעה כי תגביה כנשר קנך משם אורידך נאם יהוה׃

Abd 1:4 - אם תגביה כנשר ואם בין כוכבים שים קנך משם אורידך נאם יהוה׃

Verš 30

ואפרחו יעלעו דם ובאשר חללים שם הוא׃

Mt 24:28 - כי באשר החלל שם יקבצו הנשרים׃

Lk 17:37 - ויענו ויאמרו אליו איה זאת אדנינו ויאמר אליהם באשר הפגר שם יקבצו הנשרים׃

Verš 6

אשר שמתי ערבה ביתו ומשכנותיו מלחה׃

Jób 24:5 - הן פראים במדבר יצאו בפעלם משחרי לטרף ערבה לו לחם לנערים׃

Jer 2:24 - פרה למד מדבר באות נפשו שאפה רוח תאנתה מי ישיבנה כל מבקשיה לא ייעפו בחדשה ימצאונה׃

Job 39,14-15 - Pštros opustí na dlhší čas vajcia, na ktorých sedí.

Job 39,18 - Rýchlym svojím behom pštros predbehne aj najlepšieho jazdca.