| Kniha SirachovcovaBiblia - Sväté písmo(VUL - Latinský - Nova Vulgata) | Sir 33, 1-33 |
1 Sir 33, 1 Timenti Dominum non occurrent mala, sed in tentatione Deus illum iterum conservabit et liberabit a malis. 2 Sir 33, 2 Sapiens non odit mandata et iustitias et non illidetur quasi in procella navis. 3 Sir 33, 3 Homo sensatus credit verbo Dei, et lex illi fidelis sicut qui interrogationem manifestat. 4 Sir 33, 4 Para verba et sic deprecatus exaudieris et conservabis disciplinam et tunc respondebis. 5 Sir 33, 5 Praecordia fatui quasi rota carri, et quasi axis versatilis cogitatus illius. 6 Sir 33, 6 Equus admissarius, sic et amicus subsannator: sub omni suprasedente hinnit. 7 Sir 33, 7 Quare dies diem superat, si omnis lux anni a sole? 8 Sir 33, 8 A Domini scientia separati sunt, 9 Sir 33, 9 et immutavit tempora et dies festos ipsorum. 10 Sir 33, 10 Ex ipsis exaltavit et magnificavit Deus et ex ipsis posuit in numerum dierum. Et omnes homines de solo, et ex terra creatus est Adam. 11 Sir 33, 11 In multitudine disciplinae Dominus separavit eos et immutavit vias eorum: 12 Sir 33, 12 ex ipsis benedixit et exaltavit et ex ipsis sanctificavit et ad se applicavit; ex ipsis maledixit et humiliavit et convertit illos a statione ipsorum. 13 Sir 33, 13 Quasi lutum figuli in manu ipsius plasmare illud et disponere 14 Sir 33, 14 secundum beneplacitum eius, sic homo in manu illius, qui se fecit et reddet illi secundum iudicium suum. 15 Sir 33, 15 Contra malum bonum est, et contra mortem vita; sic et contra virum iustum peccator. Et sic intuere in omnia opera Altissimi, duo et duo, et unum contra unum. 16 Sir 33, 16 Et ego novissimus evigilavi et, quasi qui colligit acinos post vindemiatores, 17 Sir 33, 17 in benedictione Dei et ipse praecessi et, quasi qui vindemiat, replevi torcular. 18 Sir 33, 18 Respicite quoniam non mihi soli laboravi sed omnibus exquirentibus disciplinam. 19 Sir 33, 19 Audite me, magnates populi; et rectores ecclesiae, auribus percipite. 20 Sir 33, 20 Filio et mulieri, fratri et amico non des potestatem super te in vita tua; et non dederis alii possessionem tuam, ne forte paeniteat te et depreceris pro illis. 21 Sir 33, 21 Dum adhuc superes et aspiras, non commutes teipsum cum omni carne. 22 Sir 33, 22 Melius est enim, ut filii tui te rogent, quam te respicere in manus filiorum tuorum. 23 Sir 33, 23 In omnibus operibus tuis praecellens esto, 24 Sir 33, 24 ne dederis maculam in gloria tua. In die consummationis dierum vitae tuae et in tempore exitus tui distribue hereditatem tuam. 25 Sir 33, 25 Cibaria et virga et onus asino, panis et disciplina et opus servo. 26 Sir 33, 26 Operare per servum et invenies requiem; laxa manus illi, et quaeret libertatem. 27 Sir 33, 27 Iugum et lorum curvant collum, et servum inclinant operationes assiduae. 28 Sir 33, 28 Servo malevolo tortura et compedes, mitte illum in operationem, ne vacet: 29 Sir 33, 29 multam enim malitiam docuit otiositas. 30 Sir 33, 30 In opera constitue eum, sic enim condecet illum; quod si non obaudierit, curva illum compedibus, sed non immoderate in omnem carnem; verum sine iudicio nihil facias grave. 31 Sir 33, 31 Si est tibi servus unicus, sit tibi quasi anima tua, quoniam sicut te indigebis illo. Si est tibi servus unicus, quasi fratrem sic eum tracta, ne in sanguinem animae tuae irascaris. 32 Sir 33, 32 Si laeseris eum iniuste, in fugam convertetur; 33 Sir 33, 33 et, si surgens discesserit, in qua via quaeras illum, nescis.
| | Sir 33, 1-33 |
Sir 33,12 - Sir má na mysli najmä svoj národ a v Izraeli pokolenie Léviho. – Prekliati boli Kanaánci, ktorí museli ustúpiť Izraelitom.
Sir 33,16-17 - Sirachovec hovorí o sebe skromne. Pred ním už mnohí napísali knihy plné múdrosti. Jeho úsilie Boh požehnal. Lebo kniha sa mu rozrástla a podáva bohato zoskupenú náuku.
Sir 33,25 - Ale Sir odporúča ľudské zachádzanie s otrokom (porov. v. 31–32).