| Kniha SirachovcovaBiblia - Sväté písmo(VUL - Latinský - Nova Vulgata) | Sir 21, 1-31 |
1 Sir 21, 1 Fili, peccasti? Non adicias iterum, sed et de pristinis deprecare, ut tibi dimittantur. 2 Sir 21, 2 Quasi a facie colubri fuge peccata: et, si accesseris ad illa, mordebunt te. 3 Sir 21, 3 Dentes leonis dentes eorum interficientes animas hominum. 4 Sir 21, 4 Quasi romphaea bis acuta omnis iniquitas: plagae illius non est sanitas. 5 Sir 21, 5 Terror et iniuriae annullabunt substantiam, et domus, quae nimis locuples est, annullabitur superbia; sic substantia superbi eradicabitur. 6 Sir 21, 6 Deprecatio pauperis ex ore usque ad aures Dei perveniet, et iudicium festinato adveniet illi. 7 Sir 21, 7 Qui odit correptionem, in vestigio est peccatoris; et, qui timet Deum, convertet illam ad cor suum. 8 Sir 21, 8 Notus a longe potens lingua audaci, et sensatus novit illum labi. 9 Sir 21, 9 Qui aedificat domum suam impendiis alienis, quasi qui colligit lapides suos in hiemem. 10 Sir 21, 10 Stuppa collecta synagoga peccantium, et consummatio illorum flamma ignis. 11 Sir 21, 11 Via peccantium complanata lapidibus, et in fine illius fovea inferi. 12 Sir 21, 12 Qui custodit legem, continebit sensum suum; 13 Sir 21, 13 consummatio timoris Dei sapientia et sensus. 14 Sir 21, 14 Non erudietur, qui non est prudens; 15 Sir 21, 15 est autem astutia, quae abundat in malo, et non est sensus, ubi est amaritudo. 16 Sir 21, 16 Scientia sapientis tamquam inundatio abundabit, et consilium illius sicut fons vitae permanet. 17 Sir 21, 17 Cor fatui quasi vas confractum et omnem sapientiam non tenebit. 18 Sir 21, 18 Verbum sapiens, quodcumque audierit scius, laudabit et ad illud adiciet; audivit luxuriosus, et displicebit illi et proiciet illud post dorsum suum. 19 Sir 21, 19 Narratio fatui quasi sarcina in via, sed in labiis sensati invenietur gratia. 20 Sir 21, 20 Os prudentis quaeretur in ecclesia, et verba illius cogitabunt in cordibus suis. 21 Sir 21, 21 Tamquam domus exterminata sic fatuo sapientia; et scientia insensati inenarrabilia verba. 22 Sir 21, 22 Compedes in pedibus stulto doctrina et quasi vincula manuum super manum dexteram. 23 Sir 21, 23 Fatuus in risu exaltat vocem suam; vir autem sapiens vix tacite ridebit. 24 Sir 21, 24 Tamquam ornamentum aureum prudenti doctrina et quasi brachiale in brachio dextro. 25 Sir 21, 25 Pes fatui facilis in domum proximi, sed homo peritus verebitur personam. 26 Sir 21, 26 Stultus a fenestra respiciet in domum, vir autem eruditus foris stabit. 27 Sir 21, 27 Ineruditio hominis auscultare per ostium, et prudenti gravis contumelia. 28 Sir 21, 28 Labia imprudentium stulta narrabunt, verba autem prudentium statera ponderabuntur. 29 Sir 21, 29 In ore fatuorum cor illorum, et in corde sapientium os illorum. 30 Sir 21, 30 Dum maledicit impius adversarium, maledicit ipse animam suam. 31 Sir 21, 31 Susurro coinquinabit animam suam et in omnibus odietur; et, qui cum eo manserit, odiosus erit: tacitus et sensatus honorabitur.
| | Sir 21, 1-31 |