  | Kniha SirachovcovaBiblia - Sväté písmo(VUL - Latinský - Nova Vulgata) | Sir 43, 1-36 |
1 Sir 43, 1 Gloria altitudinis firmamentum puritatis, species caeli in visione gloriae. 2 Sir 43, 2 Sol in apparitione annuntians in processu: vas admirabile, opus Excelsi. 3 Sir 43, 3 In meridiano suo exurit terram; et in conspectu ardoris eius quis poterit sustinere? Fornacem ventilans in operibus ardoris tripliciter, 4 Sir 43, 4 sol exurens montes, vapores igneos exsufflans et refulgens radiis suis obcaecat oculos. 5 Sir 43, 5 Magnus Dominus, qui fecit illum et sermonibus eius festinavit iter. 6 Sir 43, 6 Et luna stat in tempus suum, in ostensionem temporis et signum aevi. 7 Sir 43, 7 A luna signum diei festi; luminare, quod minuitur in consummatione. 8 Sir 43, 8 Mensis secundum nomen eius est, crescens mirabiliter in consummatione. 9 Sir 43, 9 Vas castrorum in excelsis, in firmamento caeli resplendens gloriose. 10 Sir 43, 10 Species caeli gloria stellarum, mundum illuminans in excelsis Domini. 11 Sir 43, 11 In verbis Sancti stabunt iuxta praeceptum et non deficient in vigiliis suis. 12 Sir 43, 12 Vide arcum et benedic eum, qui fecit illum; valde speciosus est in splendore suo. 13 Sir 43, 13 Gyravit caelum in circuitu gloriae suae, manus Excelsi tetenderunt illum. 14 Sir 43, 14 Imperio suo acceleravit nivem et properat coruscationes iudicii sui. 15 Sir 43, 15 Propterea aperti sunt thesauri, et evolaverunt nebulae sicut aves. 16 Sir 43, 16 In magnitudine sua firmavit nubes, et confracti sunt lapides grandinis. Vox tonitrui eius tremefacit terram, 17 Sir 43, 17 in conspectu eius commovebuntur montes. In voluntate eius aspirabit notus, 18 Sir 43, 18 tempestas aquilonis et congregatio spiritus. 19 Sir 43, 19 Et, sicut aves deponentes ad sedendum, aspergit nivem, et, sicut locusta demergens, descensus eius: 20 Sir 43, 20 pulchritudinem candoris eius admirabitur oculus, et super imbrem eius expavescet cor. 21 Sir 43, 21 Gelu sicut salem effundet super terram, et, dum gelaverit, fit tamquam cacumina tribuli. 22 Sir 43, 22 Frigidus ventus aquilo flabit, et gelabit crystallus super aquam; super omnem congregationem aquarum requiescet, et sicut lorica induet se aqua. 23 Sir 43, 23 Devorabit montes et exuret desertum et exstinguet viridem sicut ignis. 24 Sir 43, 24 Medicina omnium in festinatione nebulae, et ros obvians ab ardore hilarescet. 25 Sir 43, 25 Cogitatione sua placavit abyssum et plantavit in illa insulas. 26 Sir 43, 26 Qui navigant mare, enarrant pericula eius, et audientes auribus nostris admiramur. 27 Sir 43, 27 Illic praeclara opera et mirabilia, varia bestiarum genera et omnium pecorum et creatura belluarum. 28 Sir 43, 28 Propter ipsum iter prosperat angelus eius, et in sermone eius composita sunt omnia. 29 Sir 43, 29 Multa dicemus et deficiemus verbis; consummatio autem sermonum: “ Ipse est omnia!”. 30 Sir 43, 30 Glorificantes ad quid valebimus? Ipse enim Magnus super omnia opera sua. 31 Sir 43, 31 Terribilis Dominus et magnus vehementer, et mirabilis potentia ipsius. 32 Sir 43, 32 Glorificantes Dominum exaltate, quantumcumque potueritis: supervalebit enim adhuc, et admirabilis magnificentia eius. 34 Sir 43, 34 Exaltantes eum replemini virtute; ne laboretis, non enim pervenietis usquam. 35 Sir 43, 35 Quis vidit eum et enarrabit? Et quis magnificabit eum sicut est? 36 Sir 43, 36 Multa abscondita sunt maiora his; pauca enim vidimus operum eius. 37 Sir 43, 37 Omnia autem Dominus fecit et pie agentibus dedit sapientiam.
| | | Sir 43, 1-36 |
Sir 43,7 - Prvý deň mesiaca mal povahu polovičného sviatku. Najmä prvý deň siedmeho mesiaca (tišri) bol začiatkom občianskeho roka, a tak tento deň bol plným sviatkom. Tak sa stal mesiac ukazovateľom slávností a časov (Nm 28,11; 1 Sam 20,5.24).
Sir 43,15 - Antická predstava o vetroch bola tá, že boh mal vetry uzavreté vo vreci a podľa potreby ich vypúšťal na svet. Keď vetry vykonali svoju činnosť, znovu sa vrátili na miesto svojho predošlého pobytu. Aj tu prevláda asi taká predstava o bleskoch a mrakoch, keď Sir hovorí o zásobárňach mrakov a bleskov.
