Príslovia

Biblia - Sväté písmo

(VUL - Latinský - Nova Vulgata)

Prís 13, 1-25

1 (VUL) Filius sapiens disciplina patris; qui autem illusor est, non audit, cum arguitur.

2 (VUL) De fructu oris sui homo satiabitur bonis, anima autem praevaricatorum violentia.

3 (VUL) Qui custodit os suum, custodit animam suam; qui autem incautus est eloquio, ruina est ei.

4 (VUL) Vult et non habet piger, anima autem operantium impinguabitur.

5 (VUL) Verbum mendax iustus detestabitur, impius autem confundit et dehonestat.

6 (VUL) Iustitia custodit innocentem in via, impietas autem peccatorem supplantat.

7 (VUL) Est qui quasi dives habetur, cum nihil habeat; et est qui quasi pauper, cum in multis divitiis sit.

8 (VUL) Redemptio animae viri divitiae suae; qui autem pauper est, increpationem non sustinet.

9 (VUL) Lux iustorum laetificat, lucerna autem impiorum exstinguetur.

10 (VUL) Inter superbos tantum iurgia sunt, et apud humiles sapientia.

11 (VUL) Substantia festinata minuetur; qui autem colligit manu, multiplicat.

12 (VUL) Spes, quae differtur, affligit animam, lignum vitae desiderium veniens.

13 (VUL) Qui contemnit verbum, ipse se obligat; qui autem timet praeceptum, retribuetur ei.

14 (VUL) Lex sapientis fons vitae, ut declinet a laqueis mortis.

15 (VUL) Intellegentia bona dabit gratiam, in itinere infidelium vorago.

16 (VUL) Omnis astutus agit cum consilio; qui autem fatuus est, aperit stultitiam.

17 (VUL) Nuntius impius cadet in malum, legatus autem fidelis sanitas.

18 (VUL) Egestas et ignominia ei, qui deserit disciplinam; qui autem acquiescit arguenti, glorificabitur.

19 (VUL) Desiderium, si compleatur, delectat animam; detestantur stulti fugere mala.

20 (VUL) Qui cum sapientibus graditur, sapiens erit; amicus stultorum malus efficietur.

21 (VUL) Peccatores persequitur malum, et iustis retribuentur bona.

22 (VUL) Bonus relinquit heredes filios et nepotes; et custoditur iusto substantia peccatoris.

23 (VUL) Multi cibi in novalibus pauperum, et est qui perit, deficiente iudicio.

24 (VUL) Qui parcit virgae, odit filium suum; qui autem diligit illum, instanter erudit.

25 (VUL) Iustus comedit et replet animam suam, venter autem impiorum insaturabilis.

Verš 2

De fructu oris sui homo satiabitur bonis, anima autem praevaricatorum violentia.

Prís 12:14 - De fructu oris sui unusquisque replebitur bonis, et iuxta opera manuum suarum retribuetur ei.

Verš 6

Iustitia custodit innocentem in via, impietas autem peccatorem supplantat.

Prís 10:29 - Fortitudo simplici via Domini et ruina his, qui operantur malum.

Prís 11:3 - Simplicitas iustorum diriget eos, et supplantatio perversorum vastabit illos.

Prís 11:5 - Iustitia simplicis diriget viam eius, et in impietate sua corruet impius.

Verš 7

Est qui quasi dives habetur, cum nihil habeat; et est qui quasi pauper, cum in multis divitiis sit.

Prís 12:9 - Melior est pauper, qui ministrat sibi, quam gloriosus et indigens pane.

Verš 9

Lux iustorum laetificat, lucerna autem impiorum exstinguetur.

Prís 4:18 - Iustorum autem semita quasi lux splendens procedit et crescit usque ad perfectam diem.

Jób 18:5 - Etenim lux impii exstinguetur, nec splendebit flamma ignis eius.

Jób 21:17 - Quam saepe lucerna impiorum exstinguitur, et superveniet eis pernicies, et dolores dividet in furore suo?

Verš 11

Substantia festinata minuetur; qui autem colligit manu, multiplicat.

Prís 10:2 - Nil proderunt thesauri impietatis, iustitia vero liberabit a morte.

Prís 20:21 - Hereditas, ad quam festinatur in principio, in novissimo benedictione carebit.

Verš 12

Spes, quae differtur, affligit animam, lignum vitae desiderium veniens.

Prís 13:19 - Desiderium, si compleatur, delectat animam; detestantur stulti fugere mala.

Verš 14

Lex sapientis fons vitae, ut declinet a laqueis mortis.

Prís 10:11 - Vena vitae os iusti, et os impiorum operit violentiam.

Prís 14:27 - Timor Domini fons vitae, declinans a laqueis mortis.

Verš 16

Omnis astutus agit cum consilio; qui autem fatuus est, aperit stultitiam.

Prís 12:23 - Homo versutus celat scientiam, et cor insipientium provocat stultitiam.

Prís 15:2 - Lingua sapientium stillat scientiam, os fatuorum ebullit stultitiam.

Verš 22

Bonus relinquit heredes filios et nepotes; et custoditur iusto substantia peccatoris.

Jób 15:29 - Non ditabitur, nec perseverabit substantia eius; nec mittet in terra radicem suam.

Jób 27:17 - praeparabit quidem, sed iustus vestietur illis, et argentum innocens dividet.

Verš 23

Multi cibi in novalibus pauperum, et est qui perit, deficiente iudicio.

Prís 12:11 - Qui operatur terram suam, satiabitur panibus; qui autem sectatur vana, vecors est.

Prís 18:9 - Qui mollis et dissolutus est in opere suo, frater est viri dissipantis.

Verš 24

Qui parcit virgae, odit filium suum; qui autem diligit illum, instanter erudit.

Prís 23:13 - Noli subtrahere a puero disciplinam; si enim percusseris eum virga, non morietur:

Verš 25

Iustus comedit et replet animam suam, venter autem impiorum insaturabilis.

Ž 34:10 - IOD. Timete Dominum, sancti eius, quoniam non est inopia timentibus eum.

Ž 37:3 - BETH. Spera in Domino et fac bonitatem, et inhabitabis terram et pasceris in fide.