Žalmy

1 (VUL) PSALMUS. Cantate Domino canticum novum, quia mirabilia fecit. Salvavit sibi dextera eius, et brachium sanctum eius.

2 (VUL) Notum fecit Dominus salutare suum, in conspectu gentium revelavit iustitiam suam.

3 (VUL) Recordatus est misericordiae suae et veritatis suae domui Israel. Viderunt omnes termini terrae salutare Dei nostri.

4 (VUL) Iubilate Deo, omnis terra; erumpite, exsultate et psallite.

5 (VUL) Psallite Domino in cithara, in cithara et voce psalmi;

6 (VUL) in tubis ductilibus et voce tubae corneae, iubilate in conspectu regis Domini.

7 (VUL) Sonet mare et plenitudo eius, orbis terrarum et qui habitant in eo.

8 (VUL) Flumina plaudent manu, simul montes exsultabunt

9 (VUL) a conspectu Domini, quoniam venit iudicare terram. Iudicabit orbem terrarum in iustitia et populos in aequitate.