  | Evanjelium podľa LukášaBiblia - Sväté písmo(ROM - Rómsky) | Lk 13, 1-35 |
1 Lk 13, 1 Ande kadia vriama uni manush kai sas kotse phende le manushen andai Galilee ai amisardia lengo rat le zheganensa kai mudarde sas angla Del. 2 Lk 13, 2 O Jesus phendia lenge, "Tume gindin ke kodola manush kai sas andai Galilee mai bezexale sas sar sa le kolaver manush andai Galilee, ke chinuisarde kadia? 3 Lk 13, 3 Me phenav tume, Nichi, te na keina tume anda tumare bezexa, xasavona savorhe. 4 Lk 13, 4 Ai kodola desh u oxto manush kai pelo pe lende o baro kher ande Siloam, ai mudarde le, tume gindin ke mai doshale sas sar sa o narodo kai si ando Jerusalem? 5 Lk 13, 5 Phenav tumenge, Nichi, Numa te na keina tume ande tumare bezexa, xasavona savorhe." 6 Lk 13, 6 Ai mai phendia lenge ek paramichi, "Iek manush sas les ek pruing le figenge ande leske rez, gelo te rodel figi pa late, chi arakhlia kanch. 7 Lk 13, 7 Ai phendia kodoleske kai lel sama katar e rez, 'Dikh! De trin bersh si de sar avilem katse te rodav figi pe pruing le figenge, ai chi arakhlem kanch. Shin la, so mai mekhas te lel o than pe phuv intaiin?' 8 Lk 13, 8 O manush kai lelas sama katar e rez phendia leske, 'Devla! Mai mek la kado bersh. Pharhava e phuv ai thava so trobul; 9 Lk 13, 9 Ai amborim mai angle avela fruta, te na shinesa la.'" 10 Lk 13, 10 O Jesus sicharelas ande synagogue andek dies savatone. 11 Lk 13, 11 Ai eta, kotse sas iek zhuvli kai sas bi vuzho ande late, ai nashti vortolas pe de desh u oxto bersh. Bangi sas andal zea, ai nashtilas te vortolpe. 12 Lk 13, 12 Ai kana O Jesus dikhlia la, phendia lake, "Zhuvlio, sastilian." 13 Lk 13, 13 Ai thodia lesko vas pe late; ai strazo vortosaili, ai naisisardia le Devles. 14 Lk 13, 14 Numa o baro la synagogako xoliarikosas, ke O Jesus sastiardias po Savatone, ai o baro phendia la narodoske, "Shov dies si te kerelpe buchi, aven te sastion kadala diesa, ai na Savatone. 15 Lk 13, 15 Devla phendia leske, "Tu manush kai ankerdiol so chi san! Savo anda tumende Savatone chi phutrel andal shtali peske gurumlia vai peske magares, te angerel le te pen? 16 Lk 13, 16 Ai e zhuvli kai si e shei la Abrahamoski, ai kai o beng ankerelas la de desh u oxto bersh, chi trobulas te sastiarav la Savatone?" 17 Lk 13, 17 Sar delas duma, sa kodola manush kai sas leske duzhmaia, lazhaile sas; ai sa le manush raduimesas andal bucha shukar kai kerelas O Jesus. 18 Lk 13, 18 Porme O Jesus phendia, "Pe soste miazol e amperetsia le Devleski? Ai pe soste sai miazol? 19 Lk 13, 19 Si sar iek sumuntsa garchitsaki, kai iek manush lia, ai shudia ande peski niva; bariol, ai kerdiol ek baro khash; ai le chiriklia anda cheri beshle pel krenzhi." 20 Lk 13, 20 Ai mai phendia, 21 Lk 13, 21 "Pe soste miazol e amperetsia le Devleski? Si sar o drozhdi, kai ek zhuvli lias ai thodias ande trin musuri arho te puchilo sa o arho. 22 Lk 13, 22 Jesus nakhelas andel foruria ai andel gava, sicharelas, ai zhalas karing o Jerusalem. 23 Lk 13, 23 Vari kon phendia leske, "Devla, ferdi xantsi manush si kai avela skepime?" Ai O Jesus phendia lenge, 24 Lk 13, 24 "Thon zor te zhan pa e tang vurota; ke me phenav tumenge, but zumavena te zhan andre, numa nashtina. 25 Lk 13, 25 Kana o gazda le kheresko wushtela, ai phandavela o wudar, ai tumen beshen avri, ai chinaiina te maren anda o wudar, ai phenenas, 'Devla, Devla, phuter amenge,' ai wo phenela tumenge, 'Chi zhanav katar san.' 26 Lk 13, 26 Antunchi phenena, 'Xaliam ai piliam tusa, ai tu phendian cho zakono pe amare droma.' 27 Lk 13, 27 Ai wo phenela lenge, 'Phenav tumenge, chi zhanav katar san; zhantar mandar, sa tume bucharia le bezexeske.' 28 Lk 13, 28 Kotse kai roven ai kai chiden dandendar, kana dikhen la Abramos, ai o Isaak, ai o Iakov, ai sa le profeton, ande amperetsia le Devleski, ai tume avena shudine avri. 29 Lk 13, 29 Avena andai Easto, ai andai Westo, ai andai Norto, ai andai Southo ai thonpe kai skafidi ande amperetsia le Devleski. 30 Lk 13, 30 Ashun! Uni kai si palune aven anglune, ai uni kai si anglune aven palune." 31 Lk 13, 31 Sa kodo dies uni Farizeanuria avile, phenenas leske, "Zhatar katsar, ke o Herod mangel te mudarel tu." 32 Lk 13, 32 Ai wo phendia lenge, "Zhan, ai phenen kodola zhigeniaki, 'Dikh! Goniv le bengen ai sastiarav adies ai terhera, ai o trito dies getova murhi buchi.' 33 Lk 13, 33 Numa trobul te phirav adies, ai terhara, ai kolaver dies, ke chi maladiol kai ek profeto xasavol andai Jerusalem. 34 Lk 13, 34 Jerusalem! Jerusalem! Kai mudaren le profeton, ai kai shuden baxensa kodola kai si tumenge tradine! Sodivar manglem te chidav che shaven, sar ek kaini kai chidel peske puion tela peske phaka. Numa tume chi manglian. 35 Lk 13, 35 Dikh! Tumaro kher avela tumenge meklo; numa phenav tumenge, chi mai dikhena ma zhi kai chi mothona, Raduime kodo kai avel anda anav le Devlesko.'"
| | | Lk 13, 1-35 |
Verš 34
Jerusalem! Jerusalem! Kai mudaren le profeton, ai kai shuden baxensa kodola kai si tumenge tradine! Sodivar manglem te chidav che shaven, sar ek kaini kai chidel peske puion tela peske phaka. Numa tume chi manglian.
Mt 23:37 - "Jerusalem! Jerusalem! Kai mudaren le profeton ai kai shuden baxensa ande kodola kai si tumenge tradine! Sodivar manglem te chidav che shaven, sar ek kaini kai chidel peske puion tela peske paka numa chi manglian.
Ž 17:8 -
Ž 91:4 -
Verš 35
Dikh! Tumaro kher avela tumenge meklo; numa phenav tumenge, chi mai dikhena ma zhi kai chi mothona, Raduime kodo kai avel anda anav le Devlesko.'"
Ž 69:25 -
Iz 1:7 -
Jer 7:34 -
Mi 3:12 -
Mt 23:38 - Eta so ashshilo tume tumari tamplo pusto.
Sk 1:20 - Ke te si ramome andel Psalms, te kerdiol lesko kher sar iek pusta, ai "Te na beshel khonik ande kodo kher; ai aver manush te lel lesko than te kerel buchi."
Ž 118:26 -
Verš 14
Numa o baro la synagogako xoliarikosas, ke O Jesus sastiardias po Savatone, ai o baro phendia la narodoske, "Shov dies si te kerelpe buchi, aven te sastion kadala diesa, ai na Savatone.
Ex 20:9 -
Dt 5:13 -
Ez 20:12 -
Verš 15
Devla phendia leske, "Tu manush kai ankerdiol so chi san! Savo anda tumende Savatone chi phutrel andal shtali peske gurumlia vai peske magares, te angerel le te pen?
Ex 23:5 -
Dt 22:4 -
Lk 14:5 - Ai porme phendia lenge, "Savo anda tumende kai si les ek magari vai ek gurumli kai perela ande xaiin, chi skepila les strazo vi Savatone?"
Verš 18
Porme O Jesus phendia, "Pe soste miazol e amperetsia le Devleski? Ai pe soste sai miazol?
Mt 13:31 - O Jesus phendias lenge aver paramichi, 'E amperetsia le rhaioski si sar sumuntsa garchitsaki. Kai manush thodias ande peski niva.
Mk 4:30 - O Jesus phendia, "Pe soste miazol e amperetsia le Devleski? Vai savi paramichi sai phenav tumenge te haliaren mishto?
Verš 20
Ai mai phendia,
Mt 13:33 - Mai phendias lenge aver paramicha, "E amperetsia le rhaioski si sar e drozhda. Kai zhuvli lias ai thodias ande trin musuri arho, ta puchilo sa o arho."
Verš 22
Jesus nakhelas andel foruria ai andel gava, sicharelas, ai zhalas karing o Jerusalem.
Mt 9:35 - O Jesus gelo anda sa le foruria ai anda sa le gava, ai sicharelas ande lenge synagoguria, delas duma e lashi viasta pa e amperetsia, ai sastiarelas sa le naswalimata ai sa o nasulipe.
Mk 6:6 - Ai chudisailo ke nai lenge pachamos. Antunchi gelo kal gava kotse, sicharel le manushen.
Verš 24
"Thon zor te zhan pa e tang vurota; ke me phenav tumenge, but zumavena te zhan andre, numa nashtina.
Mt 7:13 - "Zhan andre pa e tang vurota; ke bufli e vurota, ai vushoro o drom kai ingerel ando iado, ai but si kai len kodo drom.
Verš 25
Kana o gazda le kheresko wushtela, ai phandavela o wudar, ai tumen beshen avri, ai chinaiina te maren anda o wudar, ai phenenas, 'Devla, Devla, phuter amenge,' ai wo phenela tumenge, 'Chi zhanav katar san.'
Mt 25:11 - Mai palal le kolaver sheia baria avile, ai phende, "Gazda, Gazda! Phuter amenge!"
Lk 6:46 - " Sostar akharen ma, Devla, ai chi keren so mothav tumenge?
Mt 25:12 - Numa wo phendias, "Chachimasa phenav tumenge, me chi zhanav tumen."
Verš 27
Ai wo phenela lenge, 'Phenav tumenge, chi zhanav katar san; zhantar mandar, sa tume bucharia le bezexeske.'
Mt 7:23 - Antunchi phenava lenge, ' Shoxar, Chi zhanglem tume. Zhantar mandar, tume kai keren nasulimos!'"
Ž 6:8 -
Mt 25:12 - Numa wo phendias, "Chachimasa phenav tumenge, me chi zhanav tumen."
Mt 25:41 - Antunchi phenel kodolenge ka lesko stingo vas, "Zhantar mandar, tume armandine, ande iag kai chi getolpe, kai si getome le bengeske ai leske angelonge.
Verš 28
Kotse kai roven ai kai chiden dandendar, kana dikhen la Abramos, ai o Isaak, ai o Iakov, ai sa le profeton, ande amperetsia le Devleski, ai tume avena shudine avri.
Mt 8:12 - Numa le shave la amperetsiake avena shudine avri ando tuniariko, kotse kai roven ai kai chiden dandendar.
Mt 13:42 - Shudena le ando bov kai si dino iag, kotse rovena ai chidena dandendar.
Mt 24:51 - Si te shinel les kotora, ai thol les kodolensa kai ankerdion so nai. Kotse le manush si te roven ai te chiden dandendar."
Mt 8:11 - Phenav tumenge, ke but avena anda Easto ai anda Westo, ai beshena kai skafidi le Abrahamoski, le Isakoski ai le Jakovoski ande amperetsia le rhaioski.
Verš 29
Avena andai Easto, ai andai Westo, ai andai Norto, ai andai Southo ai thonpe kai skafidi ande amperetsia le Devleski.
Iz 2:2 -
Mal 1:11 -
Mt 8:11 - Phenav tumenge, ke but avena anda Easto ai anda Westo, ai beshena kai skafidi le Abrahamoski, le Isakoski ai le Jakovoski ande amperetsia le rhaioski.
Verš 30
Ashun! Uni kai si palune aven anglune, ai uni kai si anglune aven palune."
Mt 19:30 - But anda le perve avena le palune, ai but kai sas le palune avena le perve."
Mt 20:16 - Kadia kerdiola, le palune avena le perve, ai le perve avena le palune: but si akharde, numa xantsi si halome."
Mk 10:31 - Numa but anda le perve avena le palune, ai but kai sas le palune aven le perve."
Lk 13,1-5 - Židia videli v nešťastí trest za zvlášť ťažké hriechy. Ježiš sa otázkou podrobnejšie nezaoberá. Vyzýva iba na to, aby nešťastie iných viedlo ľudí k pokániu.
Lk 13,6-9 - Figovník predstavuje židovský národ, o ktorý sa Boh trpezlivo stará. "Tri roky" podľa niektorých sú tri roky Ježišovho účinkovania.
Lk 13,10-17 - Uzdravenie chorej ženy je znakom, že sa blíži spása. Predstavený synagógy nechcel rozpoznať znamenia čias.
Lk 13,18-19 - Mt 13, 31-32; Mk 4, 30-32.
Lk 13,20-21 - Mt 13, 33.
Lk 13,22-30 - Mt 7, 13-14. 22-23; 25, 11-12; 8, 11-12.
Lk 13,23-24 - Porov. poznámku k Mt 7, 13-14.
Lk 13,30 - Mt 19, 30; 20, 16; Mk 10, 31.
Lk 13,31 - Bol to kráľ Herodes Antipas.
Lk 13,33 - Ježiš najprv splní svoju úlohu v stanovenom čase, ktorý mu určil Otec, a len potom ho stihne osud prorokov, smrť v Jeruzaleme.
Lk 13,34-35 - Mt 23, 37-39.
Lk 13,35 - Ž 118, 26.
