  | ŽalmyBiblia - Sväté písmo(VUL - Latinský - Nova Vulgata) | Ž 143, 1-12 |
1 (VUL) PSALMUS. David. Domine, exaudi orationem meam, auribus percipe obsecrationem meam in veritate tua; exaudi me in tua iustitia.
2 (VUL) Et non intres in iudicium cum servo tuo, quia non iustificabitur in conspectu tuo omnis vivens.
3 (VUL) Quia persecutus est inimicus animam meam, contrivit in terra vitam meam, collocavit me in obscuris sicut mortuos a saeculo.
4 (VUL) Et anxiatus est in me spiritus meus, in medio mei obriguit cor meum.
5 (VUL) Memor fui dierum antiquorum, meditatus sum in omnibus operibus tuis, in factis manuum tuarum recogitabam.
6 (VUL) Expandi manus meas ad te, anima mea sicut terra sine aqua tibi.
7 (VUL) Velociter exaudi me, Domine; defecit spiritus meus. Non abscondas faciem tuam a me, ne similis fiam descendentibus in lacum.
8 (VUL) Auditam fac mihi mane misericordiam tuam, quia in te speravi. Notam fac mihi viam, in qua ambulem, quia ad te levavi animam meam.
9 (VUL) Eripe me de inimicis meis, Domine, ad te confugi.
10 (VUL) Doce me facere voluntatem tuam, quia Deus meus es tu. Spiritus tuus bonus deducet me in terram rectam;
11 (VUL) propter nomen tuum, Domine, vivificabis me. In iustitia tua educes de tribulatione animam meam
12 (VUL) et in misericordia tua disperdes inimicos meos; et perdes omnes, qui tribulant animam meam, quoniam ego servus tuus sum.
| | | Ž 143, 1-12 |
Verš 8
Auditam fac mihi mane misericordiam tuam, quia in te speravi. Notam fac mihi viam, in qua ambulem, quia ad te levavi animam meam.
Ž 25:1 - David. ALEPH. Ad te, Domine, levavi animam meam,
Verš 2
Et non intres in iudicium cum servo tuo, quia non iustificabitur in conspectu tuo omnis vivens.
Rim 3:4 - Absit! Exstet autem Deus verax, omnis autem homo mendax, sicut scriptum est: “ Ut iustificeris in sermonibus tuis et vincas cum iudicaris ”.
Gal 3:4 - Tanta passi estis sine causa? Si tamen et sine causa!
Verš 12
et in misericordia tua disperdes inimicos meos; et perdes omnes, qui tribulant animam meam, quoniam ego servus tuus sum.
Ž 86:16 - respice in me et miserere mei; da fortitudinem tuam puero tuo et salvum fac filium ancillae tuae.
Ž 116:16 - O Domine, ego servus tuus, ego servus tuus et filius ancillae tuae. Dirupisti vincula mea:
Verš 5
Memor fui dierum antiquorum, meditatus sum in omnibus operibus tuis, in factis manuum tuarum recogitabam.
Ž 77:5 - Vigiles tenuisti palpebras oculi mei; turbatus sum et non sum locutus.
Ž 77:10 - Aut obliviscetur misereri Deus, aut continebit in ira sua misericordias suas?
Z 143 - Cirkev zaradila žalm medzi tzv. kajúce žalmy pre 2. verš, kde sa naznačuje žalmistovo previnenie (porov. aj verše 8 a 10).
Z 143,2 - Dávid vie, že nie je v Božích očiach celkom nevinný. Veď kto z ľudí by to mohol povedať. Preto sa odvoláva skôr na Božie milosrdenstvo než na Božiu spravodlivosť.
Z 143,3 - Jeho život sa podobá tomu, čo už dávno zomrel. Nespravodlivý nepriateľ už vyriekol nad ním ortieľ smrti, teraz hľadá len príležitosť.
Z 143,10 - "Dobrý Boží duch" má žalmistu viesť "na správnu cestu". Pán mu má dať milosť, aby sa nepotkol na ceste dokonalosti (Ž 26,12; 27,11).
