Žalmy

1 (HEM) למנצח מזמור לדוד שמע אלהים קולי בשיחי מפחד אויב תצר חיי׃

2 (HEM) תסתירני מסוד מרעים מרגשת פעלי און׃

3 (HEM) אשר שננו כחרב לשונם דרכו חצם דבר מר׃

4 (HEM) לירות במסתרים תם פתאם ירהו ולא ייראו׃

5 (HEM) יחזקו למו דבר רע יספרו לטמון מוקשים אמרו מי יראה למו׃

6 (HEM) יחפשו עולת תמנו חפש מחפש וקרב איש ולב עמק׃

7 (HEM) וירם אלהים חץ פתאום היו מכותם׃

8 (HEM) ויכשילוהו עלימו לשונם יתנדדו כל ראה בם׃

9 (HEM) וייראו כל אדם ויגידו פעל אלהים ומעשהו השכילו׃

10 (HEM) ישמח צדיק ביהוה וחסה בו ויתהללו כל ישרי לב׃