| ŽalmyBiblia - Sväté písmo(HEM - Hebrejský - Moderný) | Ž 28, 1-9 |
1 (HEM) לדוד אליך יהוה אקרא צורי אל תחרש ממני פן תחשה ממני ונמשלתי עם יורדי בור׃
2 (HEM) שמע קול תחנוני בשועי אליך בנשאי ידי אל דביר קדשך׃
3 (HEM) אל תמשכני עם רשעים ועם פעלי און דברי שלום עם רעיהם ורעה בלבבם׃
4 (HEM) תן להם כפעלם וכרע מעלליהם כמעשה ידיהם תן להם השב גמולם להם׃
5 (HEM) כי לא יבינו אל פעלת יהוה ואל מעשה ידיו יהרסם ולא יבנם׃
6 (HEM) ברוך יהוה כי שמע קול תחנוני׃
7 (HEM) יהוה עזי ומגני בו בטח לבי ונעזרתי ויעלז לבי ומשירי אהודנו׃
8 (HEM) יהוה עז למו ומעוז ישועות משיחו הוא׃
9 (HEM) הושיעה את עמך וברך את נחלתך ורעם ונשאם עד העולם׃
| | Ž 28, 1-9 |
Verš 1
לדוד אליך יהוה אקרא צורי אל תחרש ממני פן תחשה ממני ונמשלתי עם יורדי בור׃
Ž 143:7 - מהר ענני יהוה כלתה רוחי אל תסתר פניך ממני ונמשלתי עם ירדי בור׃
Ž 30:3 - יהוה העלית מן שאול נפשי חייתני מיורדי בור׃
Verš 3
אל תמשכני עם רשעים ועם פעלי און דברי שלום עם רעיהם ורעה בלבבם׃
Ž 12:2 - שוא ידברו איש את רעהו שפת חלקות בלב ולב ידברו׃
Jer 9:8 - חץ שוחט לשונם מרמה דבר בפיו שלום את רעהו ידבר ובקרבו ישים ארבו׃