Žalmy

1 (VUL) David. Confitebor tibi, Domine, in toto corde meo, quoniam audisti verba oris mei. In conspectu angelorum psallam tibi,

2 (VUL) adorabo ad templum sanctum tuum; et confitebor nomini tuo propter misericordiam tuam et veritatem tuam, quoniam magnificasti super omne nomen eloquium tuum.

3 (VUL) In quacumque die invocavero te, exaudi me; multiplicabis in anima mea virtutem.

4 (VUL) Confitebuntur tibi, Domine, omnes reges terrae, quia audierunt eloquia oris tui.

5 (VUL) Et cantabunt vias Domini, quoniam magna est gloria Domini;

6 (VUL) quoniam excelsus Dominus et humilem respicit et superbum a longe cognoscit.

7 (VUL) Si ambulavero in medio tribulationis, vivificabis me; et contra iram inimicorum meorum extendes manum tuam, et salvum me faciet dextera tua.

8 (VUL) Dominus perficiet pro me; Domine, misericordia tua in saeculum: opera manuum tuarum ne despicias.