  | Kniha LevitikusBiblia - Sväté písmo(VUL - Latinský - Nova Vulgata) | Lv 9, 1-24 |
1 Lv 9, 1 Facto autem octavo die, vocavit Moyses Aaron et filios eius ac maiores natu Israel dixitque ad Aaron: 2 Lv 9, 2 “ Tolle de armento vitulum pro peccato et arietem in holocaustum, utrumque immaculatum, et affer illos coram Domino. 3 Lv 9, 3 Et ad filios Israel loqueris: "Tollite hircum pro peccato et vitulum atque agnum anniculos et sine macula in holocaustum, 4 Lv 9, 4 bovem et arietem pro pacificis, et immolate eos coram Domino, et sacrificium similae oleo conspersae: hodie enim Dominus apparebit vobis" ”. 5 Lv 9, 5 Tulerunt ergo cuncta, quae iusserat Moyses, ad ostium tabernaculi conventus; ubi, cum omnis coetus accessisset et staret coram Domino, 6 Lv 9, 6 ait Moyses: “ Iste est sermo, quem praecepit Dominus: facite, et apparebit vobis gloria eius ”. 7 Lv 9, 7 Dixit et ad Aaron: “ Accede ad altare et immola pro peccato tuo; offer holocaustum et expia te et populum. Et fac hostiam populi et expia eum, sicut praecepit Dominus ”. 8 Lv 9, 8 Statimque Aaron accedens ad altare immolavit vitulum pro peccato suo, 9 Lv 9, 9 cuius sanguinem obtulerunt ei filii sui; in quo tinguens digitum tetigit cornua altaris et fudit residuum ad basim eius. 10 Lv 9, 10 Adipemque et renunculos ac reticulum iecoris, quae sunt de sacrificio pro peccato, adolevit super altare, sicut praeceperat Dominus Moysi. 11 Lv 9, 11 Carnes vero et pellem eius extra castra combussit igni. 12 Lv 9, 12 Immolavit et holocausti victimam; obtuleruntque ei filii sui sanguinem eius, quem fudit per altaris circuitum. 13 Lv 9, 13 Ipsam etiam hostiam in frusta concisam cum capite ei obtulerunt, quae omnia super altare cremavit igni; 14 Lv 9, 14 lavit quoque aqua intestina cruraque et adolevit super holocausto in altari. 15 Lv 9, 15 Et applicavit oblationem populi sumensque hircum pro peccato populi mactavit et obtulit in expiationem sicut priorem; 16 Lv 9, 16 fecit quoque holocaustum secundum ritum 17 Lv 9, 17 et addens sacrificium similae implevit manum ex illa et adolevit super altare praeter holocaustum matutinum. 18 Lv 9, 18 Immolavit et bovem atque arietem, hostias pacificas populi; obtuleruntque ei filii sui sanguinem, quem fudit super altare in circuitu. 19 Lv 9, 19 Adipes autem bovis et caudam arietis renunculosque cum adipibus suis et reticulum iecoris 20 Lv 9, 20 posuerunt super pectora; cumque cremati essent adipes in altari, 21 Lv 9, 21 pectora eorum et armos dextros Aaron elevavit coram Domino, sicut praeceperat Moyses. 22 Lv 9, 22 Et elevans Aaron manus ad populum benedixit eis. Sicque, completis hostiis pro peccato et holocaustis et pacificis, descendit. 23 Lv 9, 23 Ingressi autem Moyses et Aaron tabernaculum conventus et deinceps egressi benedixerunt populo. Apparuitque gloria Domini omni populo; 24 Lv 9, 24 et ecce egressus ignis a Domino devoravit holocaustum et adipes, qui erant super altare. Quod cum vidissent turbae, exultaverunt ruentes in facies suas.
| | | Lv 9, 1-24 |
Verš 2
“ Tolle de armento vitulum pro peccato et arietem in holocaustum, utrumque immaculatum, et affer illos coram Domino.
Ex 29:1 - Sed et hoc facies eis, ut mihi in sacerdotio consecrentur: tolle vitulum unum de armento et arietes duos immaculatos
Verš 7
Dixit et ad Aaron: “ Accede ad altare et immola pro peccato tuo; offer holocaustum et expia te et populum. Et fac hostiam populi et expia eum, sicut praecepit Dominus ”.
Lv 16:6 - Cumque obtulerit vitulum in sacrificium suum pro peccato et expiaverit se et domum suam,
Heb 7:27 - qui non habet necessitatem cotidie, quemadmodum pontifices, prius pro suis delictis hostias offerre, deinde pro populi; hoc enim fecit semel semetipsum offerendo.
Verš 15
Et applicavit oblationem populi sumensque hircum pro peccato populi mactavit et obtulit in expiationem sicut priorem;
Lv 4:13 - Quod si omnis coetus Israel ignoraverit, et res abscondita fuerit ab oculis congregationis, feceritque quod contra mandatum Domini est et deliquerit,
Verš 17
et addens sacrificium similae implevit manum ex illa et adolevit super altare praeter holocaustum matutinum.
Lv 2:1 - Anima cum obtulerit oblationem sacrificii farinae Domino, simila erit eius oblatio, fundetque super eam oleum et ponet tus
Ex 29:38 - Hoc est quod facies in altari: agnos anniculos duos per singulos dies iugiter,
Verš 21
pectora eorum et armos dextros Aaron elevavit coram Domino, sicut praeceperat Moyses.
Lv 7:32 - Armus quoque dexter de pacificorum hostiis cedet in munus sacerdotis.
Verš 24
et ecce egressus ignis a Domino devoravit holocaustum et adipes, qui erant super altare. Quod cum vidissent turbae, exultaverunt ruentes in facies suas.
1Kr 18:38 - Cecidit autem ignis Domini et voravit holocaustum et ligna et lapides, pulverem quoque et aquam, quae erat in aquaeductu lambens.
2Krn 7:1 - Cumque complesset Salomon fundens preces, ignis descendit de caelo et devoravit holocaustum et victimas, et maiestas Domini implevit domum.
Lv 9,1 - Keď sa skončila vysviacka kňazov, Mojžiš prestáva vykonávať kňazské úkony. Na jeho miesto nastupuje Áron, ktorý začína svoj kňazský úrad obetami.
Lv 9,8-14 - Podľa predpisu 4,3–12 Áron mal zaniesť krv do svätyne a potom mal ňou pomazať rohy kadidlového oltára. V tomto prvom obetovaní však táto časť vystáva, lebo Árona vovedie Mojžiš do svätyne len po skončení obradov posvätenia.
Lv 9,22 - Slová požehnania nachádzajú sa v Nm 6,24–26.
