výhody registrácie

Príslovia

Biblia - Sväté písmo

(HEM - Hebrejský - Moderný)

Prís 19, 1-29

1 טוב רש הולך בתמו מעקש שפתיו והוא כסיל׃ 2 גם בלא דעת נפש לא טוב ואץ ברגלים חוטא׃ 3 אולת אדם תסלף דרכו ועל יהוה יזעף לבו׃ 4 הון יסיף רעים רבים ודל מרעהו יפרד׃ 5 עד שקרים לא ינקה ויפיח כזבים לא ימלט׃ 6 רבים יחלו פני נדיב וכל הרע לאיש מתן׃ 7 כל אחי רש שנאהו אף כי מרעהו רחקו ממנו מרדף אמרים לא המה׃ 8 קנה לב אהב נפשו שמר תבונה למצא טוב׃ 9 עד שקרים לא ינקה ויפיח כזבים יאבד׃ 10 לא נאוה לכסיל תענוג אף כי לעבד משל בשרים׃ 11 שכל אדם האריך אפו ותפארתו עבר על פשע׃ 12 נהם ככפיר זעף מלך וכטל על עשב רצונו׃ 13 הות לאביו בן כסיל ודלף טרד מדיני אשה׃ 14 בית והון נחלת אבות ומיהוה אשה משכלת׃ 15 עצלה תפיל תרדמה ונפש רמיה תרעב׃ 16 שמר מצוה שמר נפשו בוזה דרכיו יומת׃ 17 מלוה יהוה חונן דל וגמלו ישלם לו׃ 18 יסר בנך כי יש תקוה ואל המיתו אל תשא נפשך׃ 19 גרל חמה נשא ענש כי אם תציל ועוד תוסף׃ 20 שמע עצה וקבל מוסר למען תחכם באחריתך׃ 21 רבות מחשבות בלב איש ועצת יהוה היא תקום׃ 22 תאות אדם חסדו וטוב רש מאיש כזב׃ 23 יראת יהוה לחיים ושבע ילין בל יפקד רע׃ 24 טמן עצל ידו בצלחת גם אל פיהו לא ישיבנה׃ 25 לץ תכה ופתי יערם והוכיח לנבון יבין דעת׃ 26 משדד אב יבריח אם בן מביש ומחפיר׃ 27 חדל בני לשמע מוסר לשגות מאמרי דעת׃ 28 עד בליעל יליץ משפט ופי רשעים יבלע און׃ 29 נכונו ללצים שפטים ומהלמות לגו כסילים׃

Prís 19, 1-29





Verš 1
טוב רש הולך בתמו מעקש שפתיו והוא כסיל׃
Prís 28:6 - טוב רש הולך בתמו מעקש דרכים והוא עשיר׃

Verš 3
אולת אדם תסלף דרכו ועל יהוה יזעף לבו׃
Jak 1:13 - אל יאמר המנסה האלהים נסני כי האלהים איננו מנסה ברע והוא לא ינסה איש׃

Verš 4
הון יסיף רעים רבים ודל מרעהו יפרד׃
Prís 14:20 - גם לרעהו ישנא רש ואהבי עשיר רבים׃

Verš 5
עד שקרים לא ינקה ויפיח כזבים לא ימלט׃
Dt 19:19 - ועשיתם לו כאשר זמם לעשות לאחיו ובערת הרע מקרבך׃
Prís 21:28 - עד כזבים יאבד ואיש שומע לנצח ידבר׃

Verš 7
כל אחי רש שנאהו אף כי מרעהו רחקו ממנו מרדף אמרים לא המה׃
Prís 14:20 - גם לרעהו ישנא רש ואהבי עשיר רבים׃

Verš 9
עד שקרים לא ינקה ויפיח כזבים יאבד׃
Prís 19:5 - עד שקרים לא ינקה ויפיח כזבים לא ימלט׃

Verš 10
לא נאוה לכסיל תענוג אף כי לעבד משל בשרים׃
Prís 30:22 - תחת עבד כי ימלוך ונבל כי ישבע לחם׃

Verš 12
נהם ככפיר זעף מלך וכטל על עשב רצונו׃
Prís 16:14 - חמת מלך מלאכי מות ואיש חכם יכפרנה׃
Prís 20:2 - נהם ככפיר אימת מלך מתעברו חוטא נפשו׃
Prís 16:15 - באור פני מלך חיים ורצונו כעב מלקוש׃

Verš 13
הות לאביו בן כסיל ודלף טרד מדיני אשה׃
Prís 10:1 - משלי שלמה בן חכם ישמח אב ובן כסיל תוגת אמו׃
Prís 15:20 - בן חכם ישמח אב וכסיל אדם בוזה אמו׃
Prís 17:25 - כעס לאביו בן כסיל וממר ליולדתו׃
Prís 21:19 - טוב שבת בארץ מדבר מאשת מדונים וכעס׃
Prís 27:15 - דלף טורד ביום סגריר ואשת מדונים נשתוה׃

Verš 14
בית והון נחלת אבות ומיהוה אשה משכלת׃
Prís 18:22 - מצא אשה מצא טוב ויפק רצון מיהוה׃

Verš 15
עצלה תפיל תרדמה ונפש רמיה תרעב׃
Prís 6:9 - עד מתי עצל תשכב מתי תקום משנתך׃
Prís 20:13 - אל תאהב שנה פן תורש פקח עיניך שבע לחם׃
Prís 10:4 - ראש עשה כף רמיה ויד חרוצים תעשיר׃

Verš 16
שמר מצוה שמר נפשו בוזה דרכיו יומת׃
Prís 3:21 - בני אל ילזו מעיניך נצר תשיה ומזמה׃
Lk 11:28 - והוא אמר ואף כי אשרי השמעים והשמרים את דבר האלהים׃

Verš 18
יסר בנך כי יש תקוה ואל המיתו אל תשא נפשך׃
Prís 13:24 - חושך שבטו שונא בנו ואהבו שחרו מוסר׃
Prís 23:13 - אל תמנע מנער מוסר כי תכנו בשבט לא ימות׃
Ef 6:4 - ואתם האבות אל תכעיסו את בניכם אך גדלום במוסר אדנינו ובתוכחתו׃

Verš 21
רבות מחשבות בלב איש ועצת יהוה היא תקום׃
Jób 23:13 - והוא באחד ומי ישיבנו ונפשו אותה ויעש׃
Ž 33:11 - עצת יהוה לעולם תעמד מחשבות לבו לדר ודר׃
Ž 115:3 - ואלהינו בשמים כל אשר חפץ עשה׃
Iz 46:10 - מגיד מראשית אחרית ומקדם אשר לא נעשו אמר עצתי תקום וכל חפצי אעשה׃

Verš 23
יראת יהוה לחיים ושבע ילין בל יפקד רע׃
Ž 34:9 - יראו את יהוה קדשיו כי אין מחסור ליראיו׃

Verš 24
טמן עצל ידו בצלחת גם אל פיהו לא ישיבנה׃
Prís 26:15 - טמן עצל ידו בצלחת נלאה להשיבה אל פיו׃

Verš 25
לץ תכה ופתי יערם והוכיח לנבון יבין דעת׃
Prís 21:11 - בענש לץ יחכם פתי ובהשכיל לחכם יקח דעת׃

Pris 19,7 - Polverš k nemu v pôvodine chýba.

Pris 19,13 - "Cícerok" – dážď, čo tečie cez deravú strechu.

Pris 19,17 - Porov. Mt 25,35–40.

Pris 19,18 - Porov. naše porekadlo: "Ohýbaj ma, mamko, pokiaľ som ja Janko; keď už budem Jano, neohneš ma, mamo!"

Pris 19,19 - Pôvodný text v druhom polverši sa nezachoval presne.

Pris 19,22 - Polverše sa k sebe nehodia. Je teda možné, že sa spojovacie verše potratili.