Žalmy

Biblia - Sväté písmo

(VUL - Latinský - Nova Vulgata)

Ž 95, 1-11

1 Venite, exsultemus Domino; iubilemus Deo salutari nostro. 2 Praeoccupemus faciem eius in confessione et in psalmis iubilemus ei. 3 Quoniam Deus magnus Dominus, et rex magnus super omnes deos. 4 Quia in manu eius sunt profunda terrae, et altitudines montium ipsius sunt. 5 Quoniam ipsius est mare, et ipse fecit illud, et siccam manus eius formaverunt. 6 Venite, adoremus et procidamus et genua flectamus ante Dominum, qui fecit nos, 7 quia ipse est Deus noster, et nos populus pascuae eius et oves manus eius. 8 Utinam hodie vocem eius audiatis: “ Nolite obdurare corda vestra, 9 sicut in Meriba, secundum diem Massa in deserto, ubi tentaverunt me patres vestri: probaverunt me, etsi viderunt opera mea. 10 Quadraginta annis taeduit me generationis illius et dixi: Populus errantium corde sunt isti. 11 Et ipsi non cognoverunt vias meas; ideo iuravi in ira mea: Non introibunt in requiem meam ”.

Verš 8

Utinam hodie vocem eius audiatis: “ Nolite obdurare corda vestra,

Ex 17:7 - Et vocavit nomen loci illius Massa et Meriba, propter iurgium filiorum Israel et quia tentaverunt Dominum dicentes: “ Estne Dominus in nobis an non? ”.

Nm 20:1 - Veneruntque filii Israel et omnis congregatio in de sertum Sin mense primo, et mansit populus in Cades. Mortuaque est ibi Maria et sepulta in eodem loco.

Nm 20:3 - et versi in seditionem dixerunt: “ Utinam perissemus inter fratres nostros coram Domino!

Nm 20:13 - Hae sunt aquae Meriba, ubi iurgati sunt filii Israel contra Dominum, et sanctificatus est in eis.

Dt 6:16 - Non tentabitis Dominum Deum vestrum, sicut tentastis in Massa.

Verš 9

sicut in Meriba, secundum diem Massa in deserto, ubi tentaverunt me patres vestri: probaverunt me, etsi viderunt opera mea.

Heb 3:9 - ubi tentaverunt me patres vestri in probatione et viderunt opera mea

Verš 10

Quadraginta annis taeduit me generationis illius et dixi: Populus errantium corde sunt isti.

Heb 3:17 - Quibus autem infensus fuit quadraginta annos? Nonne illis, qui peccaverunt, quorum membra ceciderunt in deserto?

Verš 4

Quia in manu eius sunt profunda terrae, et altitudines montium ipsius sunt.

Jób 26:6 - Nudus est infernus coram illo, et nullum est operimentum Perditioni.

Verš 7

quia ipse est Deus noster, et nos populus pascuae eius et oves manus eius.

Ž 100:3 - Scitote quoniam Dominus ipse est Deus; ipse fecit nos, et ipsius sumus, populus eius et oves pascuae eius.

Heb 3:7 - Quapropter, sicut dicit Spiritus Sanctus: “ Hodie, si vocem eius audieritis,

Z 95 - Žalm sa rozdeľuje na dve čiastky: I (1-5) žalmista vyzýva ľud k oslave Boha, lebo on je Kráľom celej zeme, ktorú stvoril; II (6-11) opäť povoláva chváliť Pána, lebo je pastierom izraelského ľudu, ktorého majú všetci uznať a poslúchať, ak nechcú byť potrestaní a odvrhnutí ako otcovia na púšti.

Z 95,9 - "Meríba" významovo značí miesto "sporu, hádky" (Ex 17,1-7). "Massa" označuje miesto "pokúšania" (Nm 20,2.3).