výhody registrácie

Žalmy

Biblia - Sväté písmo

(VUL - Latinský - Nova Vulgata)

Ž 94, 1-24

1 Deus ultionum, Domine, Deus ultionum, effulge. 2 Exaltare, qui iudicas terram, redde retributionem superbis. 3 Usquequo peccatores, Domine, usquequo peccatores exsultabunt? 4 Effabuntur et loquentur proterva, gloriabuntur omnes, qui operantur iniquitatem. - 5 Populum tuum, Domine, humiliant et hereditatem tuam vexant. 6 Viduam et advenam interficiunt et pupillos occidunt. 7 Et dixerunt: “ Non videbit Dominus, nec intelleget Deus Iacob ”. 8 Intellegite, insipientes in populo; et stulti, quando sapietis? 9 Qui plantavit aurem, non audiet, aut qui finxit oculum, non respiciet? 10 Qui corripit gentes, non arguet, qui docet hominem scientiam? 11 Dominus scit cogitationes hominum, quoniam vanae sunt. 12 Beatus homo, quem tu erudieris, Domine, et de lege tua docueris eum, 13 ut mitiges ei a diebus malis, donec fodiatur peccatori fovea. 14 Quia non repellet Dominus plebem suam et hereditatem suam non derelinquet. 15 Quia ad iustitiam revertetur iudicium, et sequentur illam omnes, qui recto sunt corde. 16 Quis consurget mihi adversus malignantes, aut quis stabit mecum adversus operantes iniquitatem? 17 Nisi quia Dominus adiuvit me, paulo minus habitasset in loco silentii anima mea. 18 Si dicebam: “ Motus est pes meus ”, misericordia tua, Domine, sustentabat me. 19 In multitudine sollicitudinum mearum in corde meo, consolationes tuae laetificaverunt animam meam. 20 Numquid sociabitur tibi sedes iniquitatis, quae fingit molestiam contra praeceptum? 21 Irruunt in animam iusti et sanguinem innocentem condemnant. 22 Et factus est mihi Dominus in praesidium, et Deus meus in rupem refugii mei; 23 et reddet illis iniquitatem ipsorum et in malitia eorum disperdet eos, 24 disperdet illos Dominus Deus noster.

Ž 94, 1-24





Verš 1
Deus ultionum, Domine, Deus ultionum, effulge.
Dt 33:2 - Et ait: “ Dominus de Sinai venit et de Seir ortus est eis; apparuit de monte Pharan et venit in Meribathcades de meridie eius in Asedoth.
Ž 50:2 - Ex Sion speciosa decore Deus illuxit,
Ž 80:1 - Magistro chori. Secundum " Lilium praecepti ". Asaph. PSALMUS.

Verš 7
Et dixerunt: “ Non videbit Dominus, nec intelleget Deus Iacob ”.
Ž 10:11 - Dixit enim in corde suo: “ Oblitus est Deus; avertit faciem suam, non videbit in finem ”. -
Ž 10:13 - Propter quid spernit impius Deum? Dixit enim in corde suo: “ Non requires ”.
Ž 59:7 - Revertentur ad vesperam et latrabunt ut canes et circuibunt civitatem.

Verš 8
Intellegite, insipientes in populo; et stulti, quando sapietis?
Ž 92:6 - Quam magnificata sunt opera tua, Domine: nimis profundae factae sunt cogitationes tuae.

Verš 9
Qui plantavit aurem, non audiet, aut qui finxit oculum, non respiciet?
Ex 4:11 - Dixit Dominus ad eum: “ Quis fecit os hominis? Aut quis fabricatus est mutum vel surdum vel videntem vel caecum? Nonne ego?

Verš 11
Dominus scit cogitationes hominum, quoniam vanae sunt.
1Kor 3:20 - et iterum: “ Dominus novit cogitationes sapientium, quoniam vanae sunt ”.

Verš 14
Quia non repellet Dominus plebem suam et hereditatem suam non derelinquet.
1Sam 12:22 - profecto non derelinquet Dominus populum suum propter nomen suum magnum, quia dignatus est Dominus facere vos sibi populum.
Rim 11:1 - Dico ergo: Numquid repulit Deus populum suum? Absit! Nam et ego Israelita sum, ex semine Abraham, tribu Beniamin.

Z 94,7 - "Pán nevidí" a "nevie", neveria, že Boh bude trestať každú krivdu, každý hriech a každý zločin. Proti podobným neprístojnostiam a krivdám brojili aj proroci (Iz 1,23; 5,20-23; 10,1 n.; Jer 5,1 n.; Ez 22,7; Oz 4,2; Zach 7,10 atď.).

Z 94,17 - "V ríši mlčania", teda v šeóle (porov. Ž 115,17).