výhody registrácie

Žalmy

Biblia - Sväté písmo

(VUL - Latinský - Nova Vulgata)

Ž 35, 1-28

1 David. Iudica, Domine, iudicantes me; impugna impugnantes me. 2 Apprehende clipeum et scutum et exsurge in adiutorium mihi. 3 Effunde frameam et securim adversus eos, qui persequuntur me. Dic animae meae: “ Salus tua ego sum ”. 4 Confundantur et revereantur quaerentes animam meam; avertantur retrorsum et confundantur cogitantes mihi mala. 5 Fiant tamquam pulvis ante ventum, et angelus Domini impellens eos; 6 fiat via illorum tenebrae et lubricum, et angelus Domini persequens eos. 7 Quoniam gratis absconderunt mihi laqueum suum, gratis foderunt foveam animae meae. 8 Veniat illi calamitas, quam ignorat, et captio, quam abscondit, apprehendat eum, et in eandem calamitatem ipse cadat. 9 Anima autem mea exsultabit in Domino et delectabitur super salutari suo. 10 Omnia ossa mea dicent: “ Domine, quis similis tibi? Eripiens inopem de manu fortiorum eius, egenum et pauperem a diripientibus eum ”. 11 Surgentes testes iniqui, quae ignorabam, interrogabant me; 12 retribuebant mihi mala pro bonis, desolatio est animae meae. 13 Ego autem, cum infirmarentur, induebar cilicio, humiliabam in ieiunio animam meam; et oratio mea in sinu meo convertebatur. 14 Quasi pro proximo et quasi pro fratre meo ambulabam, quasi lugens matrem contristatus incurvabar. 15 Cum autem vacillarem, laetati sunt et convenerunt; convenerunt contra me percutientes, et ignoravi. 16 Diripuerunt et non desistebant; tentaverunt me, subsannaverunt me subsannatione, frenduerunt super me dentibus suis. 17 Domine, quamdiu aspicies? Restitue animam meam a malignitate eorum, a leonibus unicam meam. 18 Confitebor tibi in ecclesia magna, in populo multo laudabo te. 19 Non supergaudeant mihi inimici mei mendaces, qui oderunt me gratis et annuunt oculis. 20 Etenim non pacifice loquebantur et contra mansuetos terrae dolos cogitabant. 21 Et dilataverunt super me os suum; dixerunt: “ Euge, euge, viderunt oculi nostri ”. - 22 Vidisti, Domine, ne sileas; Domine, ne discedas a me. 23 Exsurge et evigila ad iudicium meum, Deus meus et Dominus meus, ad causam meam. 24 Iudica me secundum iustitiam tuam, Domine Deus meus, et non supergaudeant mihi. 25 Non dicant in cordibus suis: “ Euge animae nostrae ”; nec dicant: “ Devoravimus eum ”. 26 Erubescant et revereantur simul, qui gratulantur malis meis; induantur confusione et reverentia, qui magna loquuntur super me 27 Exsultent et laetentur, qui volunt iustitiam meam, et dicant semper: “ Magnificetur Dominus, qui vult pacem servi sui ”. 28 Et lingua mea meditabitur iustitiam tuam, tota die laudem tuam.

Ž 35, 1-28





Verš 18
Confitebor tibi in ecclesia magna, in populo multo laudabo te.
Ž 40:9 - Facere voluntatem tuam, Deus meus, volui; et lex tua in praecordiis meis ”.
Ž 111:1 - ALLELUIA. ALEPH. Confitebor Domino in toto corde meo, BETH. in consilio iustorum et congregatione.

Verš 19
Non supergaudeant mihi inimici mei mendaces, qui oderunt me gratis et annuunt oculis.
Jn 15:25 - Sed ut impleatur sermo, qui in lege eorum scriptus est: “Odio me habuerunt gratis”.

Verš 4
Confundantur et revereantur quaerentes animam meam; avertantur retrorsum et confundantur cogitantes mihi mala.
Ž 40:14 - Complaceat tibi, Domine, ut eruas me; Domine, ad adiuvandum me festina.
Ž 70:2 - Deus, in adiutorium meum intende; Domine, ad adiuvandum me festina.

Verš 5
Fiant tamquam pulvis ante ventum, et angelus Domini impellens eos;
Jób 21:18 - Erunt sicut paleae ante faciem venti, et sicut favilla, quam turbo dispergit.
Ž 1:4 - Non sic impii, non sic, sed tamquam pulvis, quem proicit ventus.
Iz 29:5 - Et erit sicut pulvis tenuis multitudo superborum tuorum, et sicut palea volans multitudo fortium. Eritque repente confestim,
Oz 13:3 - Idcirco erunt quasi nubes matutina et sicut ros matutinus praeteriens, sicut palea turbine rapta ex area et sicut fumus de fumario.

Z 35 - Mnohí cirkevní Otcovia slová tohto žalmu kladú na pery Ježiša Krista. Žalmista je tu predobrazom Mesiáša a jeho slová a utrpenie sú predobrazom slov a utrpenia Ježiša Krista, ako to vysvitá z evanjelia (Jn 15,25), kde sa 19. verš tohto žalmu uvádza v spojení s Ježišovým utrpením.

Z 35,2 - Pán má byť najspoľahlivejšou ochranou v tiesni.

Z 35,17 - Porov. 22,21-22.