Žalmy

Biblia - Sväté písmo

(VUL - Latinský - Nova Vulgata)

Ž 108, 1-14

1 Canticum. PSALMUS. David. 2 Paratum cor meum, Deus, paratum cor meum, cantabo et psallam. Euge, gloria mea! 3 Exsurge, psalterium et cithara, excitabo auroram. 4 Confitebor tibi in populis, Domine, et psallam tibi in nationibus, 5 quia magna est usque ad caelos misericordia tua, et usque ad nubes veritas tua. 6 Exaltare super caelos, Deus, et super omnem terram gloria tua. 7 Ut liberentur dilecti tui, salvum fac dextera tua et exaudi me. 8 Deus locutus est in sancto suo: “ Exsultabo et dividam Sichimam et convallem Succoth dimetiar; 9 meus est Galaad, et meus est Manasses, et Ephraim fortitudo capitis mei, Iuda sceptrum meum. 10 Moab lebes lavacri mei; super Idumaeam extendam calceamentum meum, super Philistaeam vociferabor ”. 11 Quis deducet me in civitatem munitam? Quis deducet me usque in Idumaeam?. 12 Nonne, Deus, qui reppulisti nos? Et non exibis, Deus, in virtutibus nostris? 13 Da nobis auxilium de tribulatione, quia vana salus hominis. 14 In Deo faciemus virtutem, et ipse conculcabit inimicos nostros.

Verš 11

Quis deducet me in civitatem munitam? Quis deducet me usque in Idumaeam?.

Ž 60:1 - Magistro chori. Secundum " Lilium praecepti ". Miktam. David. Ad docendum.

Verš 4

Confitebor tibi in populis, Domine, et psallam tibi in nationibus,

Ž 36:5 - Iniquitatem meditatus est in cubili suo, astitit omni viae non bonae, malitiam autem non odivit.

Ž 57:10 - Confitebor tibi in populis, Domine, et psalmum dicam tibi in nationibus,

Z 108 - Táto lyrická báseň, "žalm - mizmôr", nie je samostatnou básňou, je totižto zložený zo žalmu 57,8-12 (verše 2-6) a 60,7-14 (verše 7-14).