  | 1. kniha kráľovBiblia - Sväté písmo(HEM - Hebrejský - Moderný) | 1Kr 17, 1-24 |
1 1Kr 17, 1 ויאמר אליהו התשבי מתשבי גלעד אל אחאב חי יהוה אלהי ישראל אשר עמדתי לפניו אם יהיה השנים האלה טל ומטר כי אם לפי דברי׃ 2 1Kr 17, 2 ויהי דבר יהוה אליו לאמר׃ 3 1Kr 17, 3 לך מזה ופנית לך קדמה ונסתרת בנחל כרית אשר על פני הירדן׃ 4 1Kr 17, 4 והיה מהנחל תשתה ואת הערבים צויתי לכלכלך שם׃ 5 1Kr 17, 5 וילך ויעש כדבר יהוה וילך וישב בנחל כרית אשר על פני הירדן׃ 6 1Kr 17, 6 והערבים מביאים לו לחם ובשר בבקר ולחם ובשר בערב ומן הנחל ישתה׃ 7 1Kr 17, 7 ויהי מקץ ימים וייבש הנחל כי לא היה גשם בארץ׃ 8 1Kr 17, 8 ויהי דבר יהוה אליו לאמר׃ 9 1Kr 17, 9 קום לך צרפתה אשר לצידון וישבת שם הנה צויתי שם אשה אלמנה לכלכלך׃ 10 1Kr 17, 10 ויקם וילך צרפתה ויבא אל פתח העיר והנה שם אשה אלמנה מקששת עצים ויקרא אליה ויאמר קחי נא לי מעט מים בכלי ואשתה׃ 11 1Kr 17, 11 ותלך לקחת ויקרא אליה ויאמר לקחי נא לי פת לחם בידך׃ 12 1Kr 17, 12 ותאמר חי יהוה אלהיך אם יש לי מעוג כי אם מלא כף קמח בכד ומעט שמן בצפחת והנני מקששת שנים עצים ובאתי ועשיתיהו לי ולבני ואכלנהו ומתנו׃ 13 1Kr 17, 13 ויאמר אליה אליהו אל תיראי באי עשי כדברך אך עשי לי משם עגה קטנה בראשנה והוצאת לי ולך ולבנך תעשי באחרנה׃ 14 1Kr 17, 14 כי כה אמר יהוה אלהי ישראל כד הקמח לא תכלה וצפחת השמן לא תחסר עד יום תתן יהוה גשם על פני האדמה׃ 15 1Kr 17, 15 ותלך ותעשה כדבר אליהו ותאכל הוא והיא וביתה ימים׃ 16 1Kr 17, 16 כד הקמח לא כלתה וצפחת השמן לא חסר כדבר יהוה אשר דבר ביד אליהו׃ 17 1Kr 17, 17 ויהי אחר הדברים האלה חלה בן האשה בעלת הבית ויהי חליו חזק מאד עד אשר לא נותרה בו נשמה׃ 18 1Kr 17, 18 ותאמר אל אליהו מה לי ולך איש האלהים באת אלי להזכיר את עוני ולהמית את בני׃ 19 1Kr 17, 19 ויאמר אליה תני לי את בנך ויקחהו מחיקה ויעלהו אל העליה אשר הוא ישב שם וישכבהו על מטתו׃ 20 1Kr 17, 20 ויקרא אל יהוה ויאמר יהוה אלהי הגם על האלמנה אשר אני מתגורר עמה הרעות להמית את בנה׃ 21 1Kr 17, 21 ויתמדד על הילד שלש פעמים ויקרא אל יהוה ויאמר יהוה אלהי תשב נא נפש הילד הזה על קרבו׃ 22 1Kr 17, 22 וישמע יהוה בקול אליהו ותשב נפש הילד על קרבו ויחי׃ 23 1Kr 17, 23 ויקח אליהו את הילד וירדהו מן העליה הביתה ויתנהו לאמו ויאמר אליהו ראי חי בנך׃ 24 1Kr 17, 24 ותאמר האשה אל אליהו עתה זה ידעתי כי איש אלהים אתה ודבר יהוה בפיך אמת׃
| | | 1Kr 17, 1-24 |
Verš 1
ויאמר אליהו התשבי מתשבי גלעד אל אחאב חי יהוה אלהי ישראל אשר עמדתי לפניו אם יהיה השנים האלה טל ומטר כי אם לפי דברי׃
Jak 5:17 - אליהו אנוש אנוש היה כמנו והתפלל תפלה שלא יהיה מטר ולא היה מטר בארץ שלש שנים וששה חדשים׃
Verš 9
קום לך צרפתה אשר לצידון וישבת שם הנה צויתי שם אשה אלמנה לכלכלך׃
Lk 4:25 - ואמת אני אמר לכם אלמנות רבות היו בישראל בימי אליהו בהעצר השמים שלש שנים וששה חדשים ורעב גדול היה בכל הארץ׃
1Kr 17,1 - Tesbe je asi dnešné zborenisko el-Istib, 13 km severne od rieky Jabok.
1Kr 17,6 - Podľa LXX krkavce donášali ráno chlieb a večer mäso.
1Kr 17,9 - Sarepta je dnešná dedinka Sarafand medzi Týrom a Sidonom (dnešnou Saidou). Eliáš mal aj pohanom hlásať pravého Boha.
1Kr 17,18 - Poverčivá pohanka sa bojí Eliáša a jeho Boha. Myslí si, že si prísny Boh Izraelitov v prítomnosti svätého muža pripomenul nejaký jej hriech a tresce ju zaň. Zabúda, koľko dobroty jej preukazuje Boh, a to zázračným spôsobom, prostredníctvom Eliáša, a bola by radšej, keby Eliáš nebol u nej.
1Kr 17,21 - Porov. 2 Kr 4,34; Sk 20,10.
